ता हि श्रेष्ठा᳚ दे॒वता᳚ता तु॒जा शूरा᳚णां॒ शवि᳚ष्ठा॒ ता हि भू॒तम् ।
म॒घोनां॒ मंहि᳚ष्ठा तुवि॒शुष्म᳚ ऋ॒तेन᳚ वृत्र॒तुरा॒ सर्व᳚सेना ॥
म॒घोनां॒ मंहि᳚ष्ठा तुवि॒शुष्म᳚ ऋ॒तेन᳚ वृत्र॒तुरा॒ सर्व᳚सेना ॥
पदपाठः (Word-by-word)
ता । हि । श्रेष्ठा᳚ । दे॒व॑ता᳚ता । तु॒जा । शूरा᳚णाम् । शवि᳚ष्ठा । ता । हि । भू॒तम् ।
म॒घोना᳚म् । मंहि᳚ष्ठा । तु॒वि॒॑शुष्मा᳚ । ऋ॒तेन᳚ । वृ॒त्र॒॑तुरा᳚ । सर्व᳚॑सेना ॥
म॒घोना᳚म् । मंहि᳚ष्ठा । तु॒वि॒॑शुष्मा᳚ । ऋ॒तेन᳚ । वृ॒त्र॒॑तुरा᳚ । सर्व᳚॑सेना ॥
सायणभाष्यम् (Sayana Commentary)
हे इन्द्रावरुणौ ता तौ प्रसिद्धौ युवां श्रेष्ठा श्रेष्टौ देवताता देवतातौ यज्ञे इष्टिर्देवतेति यज्ञनामसु पाठात् तुजा धनानां प्रेरकौ हि भूतं भवतम् । किं च ता तौ हि युवां शूराणां मध्ये शविष्ठा अतिशयेन बलवन्तौ भूतं किं च मघोनां दानवतां मंहिष्ठा दातृतमौ तुविशुष्मा बहुबलौ ऋतेन सत्येन वृत्रतुरा शत्रूणां हिंसकौ सर्वसेना कृत्स्नसेनौ च भूतमिति ॥ २ ॥