नू न᳚ इन्द्रावरुणा गृणा॒ना पृ॒ङ्क्तं र॒यिं सौ᳚श्रव॒साय᳚ देवा ।
इ॒त्था गृ॒णन्तो᳚ म॒हिन᳚स्य॒ शर्धो॒॑पो न ना॒वा दु᳚रि॒ता त᳚रेम ॥
इ॒त्था गृ॒णन्तो᳚ म॒हिन᳚स्य॒ शर्धो॒॑पो न ना॒वा दु᳚रि॒ता त᳚रेम ॥
पदपाठः (Word-by-word)
नु । नः॒ । इ॒न्द्रा॒व॒रु॒णा॒ । गृ॒णा॒ना । पृ॒ङ्क्तम् । र॒यिम् । सौ॒श्र॒व॒साय᳚ । दे॒वा॒ ।
इ॒त्था । गृ॒णन्तः᳚ । म॒हिन᳚स्य । शर्धः᳚ । अ॒पः । न । ना॒वा । दुः॒॑इ॒ता । त॒रे॒म॒ ॥
इ॒त्था । गृ॒णन्तः᳚ । म॒हिन᳚स्य । शर्धः᳚ । अ॒पः । न । ना॒वा । दुः॒॑इ॒ता । त॒रे॒म॒ ॥
सायणभाष्यम् (Sayana Commentary)
हे इन्द्रावरुणा इन्द्रावरुणौ गृणाना स्तूयमानौ युवां नोस्मभ्यं सौश्रवसाय सुश्रवसोभावः सौश्रवसं तस्मै सुश्रवस्त्वाय रयिं धनं नु क्षिप्रं पृंक्तं प्रयच्छतम् । किं च देवा हे देवौ महिनस्य महतोर्युवयोः शर्धोबलं इत्था इत्थं गृणन्तः स्तुवन्तः वयं दुरिता दुरितानि नावा अपोन उदकानीव तरेम ॥ ८ ॥