प्र स॒म्राजे᳚ बृह॒ते मन्म॒ नु प्रि॒यमर्च᳚ दे॒वाय॒ वरु᳚णाय स॒प्रथः᳚ ।
अ॒यं य उ॒र्वी म᳚हि॒ना महि᳚व्रत॒ः क्रत्वा᳚ वि॒भात्य॒जरो॒ न शो॒चिषा᳚ ॥
अ॒यं य उ॒र्वी म᳚हि॒ना महि᳚व्रत॒ः क्रत्वा᳚ वि॒भात्य॒जरो॒ न शो॒चिषा᳚ ॥
पदपाठः (Word-by-word)
प्र । स॒म्॑राजे᳚ । बृ॒ह॒ते । मन्म᳚ । नु । प्रि॒यम् । अर्च᳚ । दे॒वाय᳚ । वरु᳚णाय । स॒॑प्रथः᳚ ।
अ॒यम् । यः । उ॒र्वी इति᳚ । म॒हि॒ना । महि᳚॑व्रतः । क्रत्वा᳚ । वि॒॑भाति᳚ । अ॒जरः᳚ । न । शो॒चिषा᳚ ॥
अ॒यम् । यः । उ॒र्वी इति᳚ । म॒हि॒ना । महि᳚॑व्रतः । क्रत्वा᳚ । वि॒॑भाति᳚ । अ॒जरः᳚ । न । शो॒चिषा᳚ ॥
सायणभाष्यम् (Sayana Commentary)
हे स्तोतः सम्राजे आज्ञया राज्ञां शासकाय बृहते परिबृढाय देवाय द्योतमानाय वरुणाय प्रियं मनोहरं सप्रथः सर्वतः पृथु तथा च यास्कः- सप्रथाः सर्वतः पृथुरिति । मन्म स्तोत्रं नु अद्य प्रार्च प्रोच्चारय अयं यः यो यं वरुणः महिना महिम्ना युक्तः महिव्रतोमहाकर्मा क्रत्वा प्रज्ञया च युक्तः शोचिषा तेजसा युक्तः अजरो न जरारहितश्च उर्वी विस्तीर्णे द्यावापृथिव्यौ विभाति विभासयति ॥ ९ ॥