उदु॒ ष्य दे॒वः स᳚वि॒ता हि᳚र॒ण्यया᳚ बा॒हू अ᳚यंस्त॒ सव᳚नाय सु॒क्रतु᳚ः ।
घृ॒तेन᳚ पा॒णी अ॒भि प्रु᳚ष्णुते म॒खो युवा᳚ सु॒दक्षो॒ रज᳚सो॒ विध᳚र्मणि ॥
घृ॒तेन᳚ पा॒णी अ॒भि प्रु᳚ष्णुते म॒खो युवा᳚ सु॒दक्षो॒ रज᳚सो॒ विध᳚र्मणि ॥
पदपाठः (Word-by-word)
उत् । ऊं॒ इति᳚ । स्यः । दे॒वः । स॒वि॒ता । हि॒र॒ण्यया᳚ । बा॒हू इति᳚ । अ॒यं॒स्त॒ । सव᳚नाय । सु॒॑क्रतुः᳚ ।
घृ॒तेन᳚ । पा॒णी इति᳚ । अ॒भि । प्रु॒ष्णु॒ते॒ । म॒खः । युवा᳚ । सु॒॑दक्षः᳚ । रज᳚सः । वि॑ध᳚र्मणि ॥
घृ॒तेन᳚ । पा॒णी इति᳚ । अ॒भि । प्रु॒ष्णु॒ते॒ । म॒खः । युवा᳚ । सु॒॑दक्षः᳚ । रज᳚सः । वि॑ध᳚र्मणि ॥
सायणभाष्यम् (Sayana Commentary)
देवो द्योतमानः सुक्रतुः सुकर्मा स्यः सः प्रसिद्धः सविता हिरण्यया हिरण्मयौ आत्मीयौ बाहू सवनाय सुवनाय दानाय वा उदयंस्त उद्यच्छति किंच मखो मंहनीयो युवा नित्यतरुणः सुदक्षः सुप्रज्ञः रजसो लोकस्योदकस्यवा विधर्मणि विधारणे स्थितः घृतेनोदकेन पूर्णौ स्वौ पाणी अभिप्रुष्णुते अभिप्रेरयति ॥ १ ॥