उदु॒ ष्य दे॒वः स᳚वि॒ता दमू᳚ना॒ हिर᳚ण्यपाणिः प्रतिदो॒षम᳚स्थात् ।
अयो᳚हनुर्यज॒तो म॒न्द्रजि᳚ह्व॒ आ दा॒शुषे᳚ सुवति॒ भूरि᳚ वा॒मम् ॥
अयो᳚हनुर्यज॒तो म॒न्द्रजि᳚ह्व॒ आ दा॒शुषे᳚ सुवति॒ भूरि᳚ वा॒मम् ॥
पदपाठः (Word-by-word)
उत् । ऊं॒ इति᳚ । स्यः । दे॒वः । स॒वि॒ता । दमू᳚नाः । हिर᳚ण्य॑पाणिः । प्र॒ति॒॑दो॒षम् । अ॒स्था॒त् ।
अयः᳚॑हनुः । य॒ज॒तः । म॒न्द्र॑जि᳚ह्वः । आ । दा॒शुषे᳚ । सु॒व॒ति॒ । भूरि᳚ । वा॒मम् ॥
अयः᳚॑हनुः । य॒ज॒तः । म॒न्द्र॑जि᳚ह्वः । आ । दा॒शुषे᳚ । सु॒व॒ति॒ । भूरि᳚ । वा॒मम् ॥
सायणभाष्यम् (Sayana Commentary)
देवो द्योतमानः दमूनाः दममनाः दानमनावा तथा च यास्कः-दमूनादममनावा दानमनावा दान्तमनावेति । हिरण्यपाणिः हिरण्मय- पाणिः अयोहनुः हिरण्मयहनुः रुक्मं अय इतिहिरण्यनामसु पाठात् यजतो यष्टव्यः मन्द्रजिह्वः मोदमानवाक् स्यः सः सविता प्रतिदोषं प्रतिरात्रं रात्रेरवसाने उदस्थात् उत्तिष्ठतु यो दाशुषे यजमानाय मह्यं भूरि प्रभूतं वामं वननीयं संभजनीयमन्नं वामं वननीयमिति यास्कः । आसुवति प्रेरयति ॥ ४ ॥