स जाय᳚मानः पर॒मे व्यो᳚मनि व्र॒तान्य॒ग्निर्व्र᳚त॒पा अ᳚रक्षत ।
व्य१॒᳚न्तरि᳚क्षममिमीत सु॒क्रतु᳚र्वैश्वान॒रो म᳚हि॒ना नाक᳚मस्पृशत् ॥
व्य१॒᳚न्तरि᳚क्षममिमीत सु॒क्रतु᳚र्वैश्वान॒रो म᳚हि॒ना नाक᳚मस्पृशत् ॥
पदपाठः (Word-by-word)
सः । जाय᳚मानः । प॒र॒मे । वि॑ओ᳚मनि । व्र॒तानि᳚ । अ॒ग्निः । व्र॒त॒॑पाः । अ॒र॒क्ष॒त॒ ।
वि । अ॒न्तरि᳚क्षम् । अ॒मि॒मी॒त॒ । सु॒॑क्रतुः᳚ । वै॒श्वा॒न॒रः । म॒हि॒ना । नाक᳚म् । अ॒स्पृ॒श॒त् ॥
वि । अ॒न्तरि᳚क्षम् । अ॒मि॒मी॒त॒ । सु॒॑क्रतुः᳚ । वै॒श्वा॒न॒रः । म॒हि॒ना । नाक᳚म् । अ॒स्पृ॒श॒त् ॥
सायणभाष्यम् (Sayana Commentary)
सवैश्वानरोग्निः व्रतपाः व्रतस्यपालकः परमे उत्कृष्टे व्योमनि व्योम्न्याकाशे जायमानः सूर्यात्मना प्रादुर्भवन् व्रतानि कर्माणि लौकि- कानि वैदिकानिच अरक्षत रक्षति अंतरिक्षंच व्यमिमीत एतदुपलक्षितान् त्रील्लोकान्निर्मितवान् तथा सुक्रतुः शोभनकर्मा वैश्वानरोग्निः महिना स्वमहिम्ना तेजसा नाकं द्युलोकं अस्पृशत् स्पृशतिस्म ॥ २ ॥