स इदस्ते᳚व॒ प्रति᳚ धादसि॒ष्यञ्छिशी᳚त॒ तेजो॑य᳚सो॒ न धारा᳚म् ।
चि॒त्रध्र᳚जतिरर॒तिर्यो अ॒क्तोर्वेर्न द्रु॒षद्वा᳚ रघु॒पत्म᳚जंहाः ॥
चि॒त्रध्र᳚जतिरर॒तिर्यो अ॒क्तोर्वेर्न द्रु॒षद्वा᳚ रघु॒पत्म᳚जंहाः ॥
पदपाठः (Word-by-word)
सः । इत् । अस्ता᳚॑इव । प्रति᳚ । धा॒त् । अ॒सि॒ष्यन् । शिशी᳚त । तेजः᳚ । अय᳚सः । न । धारा᳚म् ।
चि॒त्र॑ध्र᳚जतिः । अ॒र॒तिः । यः । अ॒क्तोः । वेः । न । द्रु॒॑सद्वा᳚ । र॒घु॒पत्म᳚॑जंहाः ॥
चि॒त्र॑ध्र᳚जतिः । अ॒र॒तिः । यः । अ॒क्तोः । वेः । न । द्रु॒॑सद्वा᳚ । र॒घु॒पत्म᳚॑जंहाः ॥
सायणभाष्यम् (Sayana Commentary)
सइत् सखल्वग्निः अस्तेव बाणादेःक्षेप्तेव प्रतिधात् स्व्कीयज्वालांप्रतिधत्ते यथाधन्वी लक्ष्याभिमुख्येनबाणंसन्धत्ते तथा ज्वालांसन्धत्त- इत्यर्थः प्रतिधायच असिष्यन् ज्वालांप्रक्षेप्स्यन् तेजःस्वकीयं शिशीत निश्यति तीक्ष्णीकरोति अत्रदृष्टांतः अयसोनधारां यथा अयोमय- स्यपरश्वादेर्धारां प्रक्षेप्तुकामस्तीक्ष्णीकरोतितद्वत् तीक्ष्णीकृत्यच चित्रध्रजतिः विचित्रगतिः अक्तोरात्रेः अरतिरभिगन्ता वेर्न पक्षीव द्रुषद्वा वृक्षेषुसीद्न् रघुपत्मजंहाः लघुपतनसमर्थपादः एवंभूतःसन् योग्निर्वर्तते सइतिपूर्वत्रान्वयः ॥ ५ ॥