धायो᳚भिर्वा॒ यो युज्ये᳚भिर॒र्कैर्वि॒द्युन्न द᳚विद्यो॒त्स्वेभि॒ः शुष्मै᳚ः ।
शर्धो᳚ वा॒ यो म॒रुतां᳚ त॒तक्ष᳚ ऋ॒भुर्न त्वे॒षो र᳚भसा॒नो अ᳚द्यौत् ॥
शर्धो᳚ वा॒ यो म॒रुतां᳚ त॒तक्ष᳚ ऋ॒भुर्न त्वे॒षो र᳚भसा॒नो अ᳚द्यौत् ॥
पदपाठः (Word-by-word)
धायः᳚॑भिः । वा॒ । यः । युज्ये᳚भिः । अ॒र्कैः । वि॒॑द्युत् । न । द॒वि॒द्यो॒त् । स्वेभिः᳚ । शुष्मैः᳚ ।
शर्धः᳚ । वा॒ । यः । म॒रुता᳚म् । त॒तक्ष᳚ । ऋ॒भुः । न । त्वे॒षः । र॒भ॒सा॒नः । अ॒द्यौ॒त् ॥
शर्धः᳚ । वा॒ । यः । म॒रुता᳚म् । त॒तक्ष᳚ । ऋ॒भुः । न । त्वे॒षः । र॒भ॒सा॒नः । अ॒द्यौ॒त् ॥
सायणभाष्यम् (Sayana Commentary)
योग्निः धायोभिर्वा धारकैरश्वैरिव युज्येभिः युज्यैः स्वयमेवयुज्यमानैरर्कैरर्चनीयैर्दीप्तिभिर्गच्छति सोग्निः विद्युन्न विद्युदिव स्वेभिः स्वकीयैः शुष्मैः शोषकैस्तेजोभिर्दविद्योत् विद्योतते यश्च मरुतां एतत्संज्ञकानांदेवानां शर्द्धोवा बलमिव ततक्ष तनूकरोति सर्वंतीक्ष्णी- करोतिशोषयतीतियावत् सोयं ऋभुर्न उरुभासमानः सूर्यइवत्वेषोदीप्तः रभसानोवेगंकुर्वन् अद्यौत् विद्योतते प्रकाशते ॥ ८ ॥
यथाहोतरित्यष्टर्चंचतुर्थंसूक्तं भरद्वाजस्यार्षं त्रैष्टुभमाग्नेयं यथाहोतरित्यनुक्रान्तं-प्रातरनुवाकाश्विनशस्त्रयोरुक्तोविनियोगः ।