ता नव्य᳚सो॒ जर᳚माणस्य॒ मन्मोप᳚ भूषतो युयुजा॒नस᳚प्ती ।
शुभं॒ पृक्ष॒मिष॒मूर्जं॒ वह᳚न्ता॒ होता᳚ यक्षत्प्र॒त्नो अ॒ध्रुग्युवा᳚ना ॥
शुभं॒ पृक्ष॒मिष॒मूर्जं॒ वह᳚न्ता॒ होता᳚ यक्षत्प्र॒त्नो अ॒ध्रुग्युवा᳚ना ॥
पदपाठः (Word-by-word)
ता । नव्य᳚सः । जर᳚माणस्य । मन्म᳚ । उप᳚ । भू॒ष॒तः॒ । यु॒यु॒जा॒नस᳚प्ती॒ इति᳚ यु॒यु॒जा॒न॑स᳚प्ती ।
शुभ᳚म् । पृक्ष᳚म् । इष᳚म् । ऊर्ज᳚म् । वह᳚न्ता । होता᳚ । य॒क्ष॒त् । प्र॒त्नः । अ॒ध्रुक् । युवा᳚ना ॥
शुभ᳚म् । पृक्ष᳚म् । इष᳚म् । ऊर्ज᳚म् । वह᳚न्ता । होता᳚ । य॒क्ष॒त् । प्र॒त्नः । अ॒ध्रुक् । युवा᳚ना ॥
सायणभाष्यम् (Sayana Commentary)
ता तावश्विनौ युयुजानसप्तीरथे युज्यमानाश्वौ शुभं शॊभनं पृक्षमन्नं पय: पृक्ष इत्यन्ननामसु पाठात् इषं पुष्टिं ऊर्जं रसं च वहन्ता वहन्तौ नव्यसो नवतरस्य जरमाणस्य स्तुतिं कुर्वत: मन्म मननीयं स्तोत्रं उपभूषत: उपगच्छत: । यद्वा स्तोत्रसमीपेभवत: किंचयुवाना नित्यतरुणौ तौ होता देवानामाह्वाता अध्रुक् अद्रोग्धा प्रिय: प्रत्न: पुराणाग्नि: यक्षत् यजतु ॥ ४ ॥