यद्रो᳚दसी प्र॒दिवो॒ अस्ति॒ भूमा॒ हेळो᳚ दे॒वाना᳚मु॒त म᳚र्त्य॒त्रा ।
तदा᳚दित्या वसवो रुद्रियासो रक्षो॒युजे॒ तपु᳚र॒घं द᳚धात ॥
तदा᳚दित्या वसवो रुद्रियासो रक्षो॒युजे॒ तपु᳚र॒घं द᳚धात ॥
पदपाठः (Word-by-word)
यत् । रो॒द॒सी॒ इति᳚ । प्र॒॑दिवः᳚ । अस्ति᳚ । भूम᳚ । हेळः᳚ । दे॒वाना᳚म् । उ॒त । म॒र्त्य॒॑त्रा ।
तत् । आ॒दि॒त्याः॒ । व॒स॒वः॒ । रु॒द्रि॒या॒सः॒ । र॒क्षः॒॑युजे᳚ । तपुः᳚ । अ॒घम् । द॒धा॒त॒ ॥
तत् । आ॒दि॒त्याः॒ । व॒स॒वः॒ । रु॒द्रि॒या॒सः॒ । र॒क्षः॒॑युजे᳚ । तपुः᳚ । अ॒घम् । द॒धा॒त॒ ॥
सायणभाष्यम् (Sayana Commentary)
रॊदसी हॆ द्यावापृथिव्यौ हॆ आदित्याः हॆ वसवः र्द्रियासः हॆ रुद्रपुत्राः मरुतः मर्त्यत्रा मर्त्यॆषु अश्विनॊः परिचारकॆषु दॆवानां यद्धॆळः क्रॊधः भूम महानस्ति तद्धॆळः तपुस्तापकं रक्षॊयुजॆ रक्षॊ-भिर्युक्ताय रक्षसां स्वामिनॆ प्रॆरकाय वा अघं आहन्तृ दधात कुरुत । अथवा रक्षॊयुजॆ रक्षॊभिर्युक्ताय यज्वनॆ अघमाहन्तृ कुरुत ॥ ८ ॥