ता व॒ल्गू द॒स्रा पु᳚रु॒शाक᳚तमा प्र॒त्ना नव्य᳚सा॒ वच॒सा वि᳚वासे ।
या शंस᳚ते स्तुव॒ते शम्भ᳚विष्ठा बभू॒वतु᳚र्गृण॒ते चि॒त्ररा᳚ती ॥
या शंस᳚ते स्तुव॒ते शम्भ᳚विष्ठा बभू॒वतु᳚र्गृण॒ते चि॒त्ररा᳚ती ॥
पदपाठः (Word-by-word)
ता । व॒ल्गू इति᳚ । द॒स्रा । पु॒रु॒शाक᳚॑तमा । प्र॒त्ना । नव्य᳚सा । वच᳚सा । आ । वि॒वा॒से॒ ।
या । शंस᳚ते । स्तु॒व॒ते । शम्॑भ᳚विष्ठा । ब॒भू॒वतुः᳚ । गृ॒ण॒ते । चि॒त्ररा᳚ती॒ इति᳚ चि॒त्र॑रा᳚ती ॥
या । शंस᳚ते । स्तु॒व॒ते । शम्॑भ᳚विष्ठा । ब॒भू॒वतुः᳚ । गृ॒ण॒ते । चि॒त्ररा᳚ती॒ इति᳚ चि॒त्र॑रा᳚ती ॥
सायणभाष्यम् (Sayana Commentary)
या यौ शंसते शस्त्रै: स्तुतिं कुर्वते स्तुवते स्तोत्रै: स्तुतिं कुर्वते जनाय शंभविष्ठा अतिशयेन सुखस्य भावयितारौ अतिशयेन सुखस्वरूपौ वा गृणते स्तोत्रशस्त्रव्यतिरिक्तलौकिकस्तुतिभि: स्तुवते च चित्रराती विचित्रदानौ बभूवतु: । ता तौ वल्गू वलनशीलौ रुचिरौ वा पुरुशाकतमा अतिशयेन बहुकर्माणौ बहुसाहायौ वा प्रत्ना प्रत्नौ पुराणौ प्रत्नं प्रदिवइति पुराणनामसु पाठात् दस्रा दर्शनीयौ अश्विनौ नव्यसा नवतरेण वचस स्तुत्य आविवासे परिचरामि ॥ ५ ॥