सं वां॒ कर्म᳚णा॒ समि॒षा हि᳚नो॒मीन्द्रा᳚विष्णू॒ अप᳚सस्पा॒रे अ॒स्य ।
जु॒षेथां᳚ य॒ज्ञं द्रवि᳚णं च धत्त॒मरि᳚ष्टैर्नः प॒थिभि᳚ः पा॒रय᳚न्ता ॥
जु॒षेथां᳚ य॒ज्ञं द्रवि᳚णं च धत्त॒मरि᳚ष्टैर्नः प॒थिभि᳚ः पा॒रय᳚न्ता ॥
पदपाठः (Word-by-word)
सम् । वा॒म् । कर्म᳚णा । सम् । इ॒षा । हि॒नो॒मि॒ । इन्द्रा᳚विष्णू॒ इति᳚ । अप᳚सः । पा॒रे । अ॒स्य ।
जु॒षेथा᳚म् । य॒ज्ञम् । द्रवि᳚णम् । च॒ । ध॒त्त॒म् । अरि᳚ष्टैः । नः॒ । प॒थि॑भिः᳚ । पा॒रय᳚न्ता ॥
जु॒षेथा᳚म् । य॒ज्ञम् । द्रवि᳚णम् । च॒ । ध॒त्त॒म् । अरि᳚ष्टैः । नः॒ । प॒थि॑भिः᳚ । पा॒रय᳚न्ता ॥
सायणभाष्यम् (Sayana Commentary)
हे इन्द्राविष्णू वां युवां कर्मणा स्तोत्रेणा इषा हविषा च संहिनोमि सम्यक् प्रेरयामि । अपसः कर्मणः अस्य उक्थस्य पारे समाप्तौ यज्ञं जुषेथां सेवेथाम् । किं च अरिष्टैः अनुपद्रवैः पथिभिर्मार्गैः नोस्मान् पारयन्ता पारं नयन्तौ युवां द्रविणं धनं धत्तमस्मभ्यं दत्तं ॥ १ ॥