इन्द्रा᳚विष्णू॒ पिब᳚तं॒ मध्वो᳚ अ॒स्य सोम᳚स्य दस्रा ज॒ठरं᳚ पृणेथाम् ।
आ वा॒मन्धां᳚सि मदि॒राण्य᳚ग्म॒न्नुप॒ ब्रह्मा᳚णि शृणुतं॒ हवं᳚ मे ॥
आ वा॒मन्धां᳚सि मदि॒राण्य᳚ग्म॒न्नुप॒ ब्रह्मा᳚णि शृणुतं॒ हवं᳚ मे ॥
पदपाठः (Word-by-word)
इन्द्रा᳚विष्णू॒ इति᳚ । पिब᳚तम् । मध्वः᳚ । अ॒स्य । सोम᳚स्य । द॒स्रा॒ । ज॒ठर᳚म् । पृ॒णे॒था॒म् ।
आ । वा॒म् । अन्धां᳚सि । म॒दि॒राणि᳚ । अ॒ग्म॒न् । उप᳚ । ब्रह्मा᳚णि । शृ॒णु॒त॒म् । हव᳚म् । मे॒ ॥
आ । वा॒म् । अन्धां᳚सि । म॒दि॒राणि᳚ । अ॒ग्म॒न् । उप᳚ । ब्रह्मा᳚णि । शृ॒णु॒त॒म् । हव᳚म् । मे॒ ॥
सायणभाष्यम् (Sayana Commentary)
हे दस्रा दर्शनीयाविन्द्राविष्णू युवां मध्वः अस्य मदकरं सोमस्य सोमं पिबतं किं च जठरं उदरं पृणेथां सोमेन पूरयेथाम् । हे इन्द्राविष्णू वां युवां मदिराणि मदकराणि अंधांसि सोमात्मकान्यन्नानि आग्मन् अभिगच्छन्तु । मे मदीयानि ब्रह्माणि स्तोत्राणि हवं मदीयमाह्वानं चोपशृणतं ॥ ७ ॥