आ वा॒मश्वा᳚सो अभिमाति॒षाह॒ इन्द्रा᳚विष्णू सध॒मादो᳚ वहन्तु ।
जु॒षेथां॒ विश्वा॒ हव᳚ना मती॒नामुप॒ ब्रह्मा᳚णि शृणुतं॒ गिरो᳚ मे ॥
जु॒षेथां॒ विश्वा॒ हव᳚ना मती॒नामुप॒ ब्रह्मा᳚णि शृणुतं॒ गिरो᳚ मे ॥
पदपाठः (Word-by-word)
आ । वा॒म् । अश्वा᳚सः । अ॒भि॒मा॒ति॒॑सहः᳚ । इन्द्रा᳚विष्णू॒ इति᳚ । स॒ध॒॑मादः᳚ । व॒ह॒न्तु॒ ।
जु॒षेथा᳚म् । विश्वा᳚ । हव᳚ना । म॒ती॒नाम् । उप᳚ । ब्रह्मा᳚णि । शृ॒णु॒त॒म् । गिरः᳚ । मे॒ ॥
जु॒षेथा᳚म् । विश्वा᳚ । हव᳚ना । म॒ती॒नाम् । उप᳚ । ब्रह्मा᳚णि । शृ॒णु॒त॒म् । गिरः᳚ । मे॒ ॥
सायणभाष्यम् (Sayana Commentary)
हे इन्द्राविष्णू वां युवां अभिमातिषाहः अभिमातीनां हिंसकानां अभिभवितारः सधमादः सहमाद्यन्तः अश्वासः अश्वाः आवहन्तु मतीनां स्तोतॄणां विश्वा विश्वानि हवना हवनानि स्तोत्रेणि जुषेथां सेवेथां तदर्थं मे मदीयानि ब्रह्माणि स्तोत्राणि गिरः शस्त्ररूपा वाचश्च उपश्रृणतं ॥ ४ ॥