इन्द्रा᳚विष्णू॒ तत्प᳚न॒याय्यं᳚ वां॒ सोम᳚स्य॒ मद᳚ उ॒रु च᳚क्रमाथे ।
अकृ᳚णुतम॒न्तरि᳚क्षं॒ वरी॒यो॑प्र᳚थतं जी॒वसे᳚ नो॒ रजां᳚सि ॥
अकृ᳚णुतम॒न्तरि᳚क्षं॒ वरी॒यो॑प्र᳚थतं जी॒वसे᳚ नो॒ रजां᳚सि ॥
पदपाठः (Word-by-word)
इन्द्रा᳚विष्णू॒ इति᳚ । तत् । प॒न॒याय्य᳚म् । वा॒म् । सोम᳚स्य । मदे᳚ । उ॒रु । च॒क्र॒मा॒थे॒ इति᳚ ।
अकृ᳚णुतम् । अ॒न्तरि᳚क्षम् । वरी᳚यः । अप्र᳚थतम् । जी॒वसे᳚ । नः॒ । रजां᳚सि ॥
अकृ᳚णुतम् । अ॒न्तरि᳚क्षम् । वरी᳚यः । अप्र᳚थतम् । जी॒वसे᳚ । नः॒ । रजां᳚सि ॥
सायणभाष्यम् (Sayana Commentary)
हे इन्द्राविष्णू वां युवयोः तत्कर्म पनयाय्यं स्तुत्यं किं तत्कर्मेत्यतआह सोमस्य मदे सति यदुरु विस्तीर्णं चक्रमाथे विचक्रमाथे । यद्यपि विष्णोरेव विक्रमः तथाप्येकार्थत्वात् उभयोरित्युच्यते यच्चान्तरिक्षं वरीयः उरुतरं अकृणुतं अकुरुतं यदपि च रजांसि लोकान् सर्वान् लोकारजांस्यच्यन्तइति यास्कः । नोस्माकं जीवनाय अप्रथतं अप्रथयतं ॥ ५ ॥