इन्द्रा᳚सोमा॒ महि॒ तद्वां᳚ महि॒त्वं यु॒वं म॒हानि᳚ प्रथ॒मानि᳚ चक्रथुः ।
यु॒वं सूर्यं᳚ विवि॒दथु᳚र्यु॒वं स्व१॒᳚र्विश्वा॒ तमां᳚स्यहतं नि॒दश्च᳚ ॥
यु॒वं सूर्यं᳚ विवि॒दथु᳚र्यु॒वं स्व१॒᳚र्विश्वा॒ तमां᳚स्यहतं नि॒दश्च᳚ ॥
पदपाठः (Word-by-word)
इन्द्रा᳚सोमा । महि᳚ । तत् । वा॒म् । म॒हि॒॑त्वम् । यु॒वम् । म॒हानि᳚ । प्र॒थ॒मानि᳚ । च॒क्र॒थुः॒ ।
यु॒वम् । सूर्य᳚म् । वि॒वि॒दथुः᳚ । यु॒वम् । स्वः᳚ । विश्वा᳚ । तमां᳚सि । अ॒ह॒त॒म् । नि॒दः । च॒ ॥
यु॒वम् । सूर्य᳚म् । वि॒वि॒दथुः᳚ । यु॒वम् । स्वः᳚ । विश्वा᳚ । तमां᳚सि । अ॒ह॒त॒म् । नि॒दः । च॒ ॥
सायणभाष्यम् (Sayana Commentary)
इन्द्रासोमा हे इन्द्रासोमौ वां युवयोः तन्महित्वं महत्त्वं महि महत् । किंतदित्यतआह युवं युवां महानि महान्ति प्रथमानि प्रतमानि मुख्यानि वा भूतानि प्रथमइति मुख्यनामप्रतमो भवतीतियास्कः । चक्रथुः अकार्ष्टम् । किंच युवं युवां सूर्यं विविदथुः अलंभयतं च जनान् युवं युवां स्वरुदकं च विविदथुः हेम स्वरित्युदकनामसु पाठात् अपि च विश्वा विश्वानि तमांसि निदश्च निन्दितॄनसुरांश्च अहतं अहिंस्तम् ॥ १ ॥