इन्द्रा᳚सोमा प॒क्वमा॒मास्व॒न्तर्नि गवा॒मिद्द᳚धथुर्व॒क्षणा᳚सु ।
ज॒गृ॒भथु॒रन᳚पिनद्धमासु॒ रुश᳚च्चि॒त्रासु॒ जग᳚तीष्व॒न्तः ॥
ज॒गृ॒भथु॒रन᳚पिनद्धमासु॒ रुश᳚च्चि॒त्रासु॒ जग᳚तीष्व॒न्तः ॥
पदपाठः (Word-by-word)
इन्द्रा᳚सोमा । प॒क्वम् । आ॒मासु᳚ । अ॒न्तः । नि । गवा᳚म् । इत् । द॒ध॒थुः॒ । व॒क्षणा᳚सु ।
ज॒गृ॒भथुः᳚ । अन᳚पि॑नद्धम् । आ॒सु॒ । रुश᳚त् । चि॒त्रासु᳚ । जग᳚तीषु । अ॒न्तरिति᳚ ॥
ज॒गृ॒भथुः᳚ । अन᳚पि॑नद्धम् । आ॒सु॒ । रुश᳚त् । चि॒त्रासु᳚ । जग᳚तीषु । अ॒न्तरिति᳚ ॥
सायणभाष्यम् (Sayana Commentary)
इन्द्रासोमा हे इन्द्रासोमौ आमासु अपक्कासु गवां वक्षणासु ऊधःसु अन्तर्मध्ये पक्वं पयो निदधुः । किं च चित्रासु नानावर्णासु आसु जगतीषु गोषु इळा जगतीति गोनामसु पाठात् अन्तर्मध्ये अनपिनद्धं केनाप्यबद्धं रुशत् शुक्लवर्णं पयोजगृभथुः यथा पृथिव्यां स्वयं न क्षरति तथा धारितवन्तावित्यर्थः । इदिति पूरणः ॥ ४ ॥