विश्वधाया विश्वस्य धाता सर्वन्नो वा नोऽस्माकं राजेन्द्र इमां पृथिवीमन्तरिक्षं चोप तयोः समीपे क्षेति । निवसति । तत्र दृष्टान्तः । हितमित्रो न । यथा कस्यचित् । हितोपदेष्टा सुहृत्समीपे निवसति तद्वत् । वीराः समर्था युद्धसहाया मरुतः पुरःसदो युद्धार्थं पुरतो निश्चयेन गन्तार इन्द्रस्य शर्मसदः । न चार्थे । शर्मणि गृहे सीदन्तश्च भवन्ति । यत्र यत्रादौ तत्र तत्र सन्निधिं कुर्वाणा इत्यर्थः ॥ क्षेति । क्षि निवासगत्योरित्यस्य लटि बहुलं छन्दसीति विकरनस्य लुक् । निघातः ॥ २१ ॥