पूर्वासु जीर्णास्वोषधीष्वाक्षिदावर्तमानस्तथापरा नव्या ओषधीरनुरुदनुरुन्धन् र्त्पत्त्यानुगुण्येनानुतिष्ठन्नग्निः सूर्यो वा सद्यो जातासु तदानीमुत्पन्नासु तरुणीषु पल्लवितास्वोषधीष्वन्तर्वर्तते । ता ओषधयोऽप्रविताः केनापि पुरुषेणानिषिक्तरेतस्का अनभ्यक्ता वा अन्तर्वर्ततीरग्निना गर्भवत्यो भुत्वा सुवते । फलं पुष्पं चोत्पादयन्ति । तदिदं देवानामैश्वर्यं ॥ अक्षित् । क्षिनिवासगत्योः । क्विप् । अनूरुत् । अनौ रुध कामे । अस्मात् क्विप् । अन्येषामपि दृश्यत इति दीर्घः । कृत्स्वरः । तरुणीषु । नञ्स्नञीकक्ख्युंस्तरुणतलुनानामुपसंख्यानम् । म. ४-१-१५-६ । इति ङीप् । अन्तर्वतीः । झय इति मतुपो षत्वम् । सुवते । षूङ् प्राणिगर्भविमोचन इत्यस्य लटि रूपम् । निघातः ॥ ५ ॥