न॒हि त्वा॒ शूरो॒ न तु॒रो न धृ॒ष्णुर्न त्वा᳚ यो॒धो मन्य᳚मानो यु॒योध᳚ ।
इन्द्र॒ नकि᳚ष्ट्वा॒ प्रत्य᳚स्त्येषां॒ विश्वा᳚ जा॒तान्य॒भ्य᳚सि॒ तानि᳚ ॥
इन्द्र॒ नकि᳚ष्ट्वा॒ प्रत्य᳚स्त्येषां॒ विश्वा᳚ जा॒तान्य॒भ्य᳚सि॒ तानि᳚ ॥
पदपाठः (Word-by-word)
न॒हि । त्वा॒ । शूरः᳚ । न । तु॒रः । न । धृ॒ष्णुः । न । त्वा॒ । यो॒धः । मन्य᳚मानः । यु॒योध᳚ ।
इन्द्र᳚ । नकिः᳚ । त्वा॒ । प्रति᳚ । अ॒स्ति॒ । ए॒षा॒म् । विश्वा᳚ । जा॒तानि᳚ । अ॒भि । अ॒सि॒ । तानि᳚ ॥
इन्द्र᳚ । नकिः᳚ । त्वा॒ । प्रति᳚ । अ॒स्ति॒ । ए॒षा॒म् । विश्वा᳚ । जा॒तानि᳚ । अ॒भि । अ॒सि॒ । तानि᳚ ॥
सायणभाष्यम् (Sayana Commentary)
हेइन्द्र त्वा त्वयासह शूरोविक्रान्तजनोनहियुयोध नयुध्यते तथातुरः अन्येषांशत्रूणांहिंसकः अतः त्वयानयुयोध धृष्णुर्धर्षकोनयुयोध मन्यमानः युद्धेक्रुध्यन् योधोभटः त्वा त्वयान युयोध हेइन्द्र एषांशूरादीनांमध्ये कश्चनत्वा तवनकिः प्रत्यस्ति प्रतिनिधिर्नास्ति विश्वा विश्वानि जातानि प्रादुर्भूतानि तानि शूरादीनि त्वं अभ्यसि अभिभवसि ॥ ५ ॥