ए॒वेदिन्द्र᳚ः सु॒ते अ᳚स्तावि॒ सोमे᳚ भ॒रद्वा᳚जेषु॒ क्षय॒दिन्म॒घोनः᳚ ।
अस॒द्यथा᳚ जरि॒त्र उ॒त सू॒रिरिन्द्रो᳚ रा॒यो वि॒श्ववा᳚रस्य दा॒ता ॥
अस॒द्यथा᳚ जरि॒त्र उ॒त सू॒रिरिन्द्रो᳚ रा॒यो वि॒श्ववा᳚रस्य दा॒ता ॥
पदपाठः (Word-by-word)
ए॒व । इत् । इन्द्रः᳚ । सु॒ते । अ॒स्ता॒वि॒ । सोमे᳚ । भ॒रत्॑वा᳚जेषु । क्षय᳚त् । इत् । म॒घोनः᳚ ।
अस᳚त् । यथा᳚ । ज॒रि॒त्रे । उ॒त । सू॒रिः । इन्द्रः᳚ । रा॒यः । वि॒श्व॑वा᳚रस्य । दा॒ता ॥
अस᳚त् । यथा᳚ । ज॒रि॒त्रे । उ॒त । सू॒रिः । इन्द्रः᳚ । रा॒यः । वि॒श्व॑वा᳚रस्य । दा॒ता ॥
सायणभाष्यम् (Sayana Commentary)
मघोनोधनवतोहविष्मतोयजमानस्य क्षयत् ईश्वरः इन्द्रः सोमेसुते अभिषुतेसति भरद्वाजेषु भरद्वाजेमयि एव एवं अस्तावि स्तुतोभूत् इन्द्रः जरित्रे स्तोत्रे सूरिः सन्मार्गे प्रेरकोयथासत् भवत् उतापिच विश्ववारस्य विश्वैर्वरणीयस्य रायोधनस्य दाता यथाभवेत् तथा स्ता- वीतिसंबन्धः इदितिद्वयंपूरणम् ॥ १० ॥
तृतीयेनुवाकेविंशतिसूक्तानि तत्रवृषामदइतिदशर्चंप्रथमंसूक्तं भरद्वाजस्यार्षं त्रैष्टुभमैन्द्रं वृषेत्यनुक्रन्तं विषुवतिनिष्केवल्येएतत्सूक्तं सूत्रितंच—वृषामदःप्रमंहिष्ठायेति ।