अस्मै᳚ व॒यं यद्वा॒वान॒ तद्वि᳚विष्म॒ इन्द्रा᳚य॒ यो नः᳚ प्र॒दिवो॒ अप॒स्कः ।
सु॒ते सोमे᳚ स्तु॒मसि॒ शंस᳚दु॒क्थेन्द्रा᳚य॒ ब्रह्म॒ वर्ध᳚नं॒ यथास᳚त् ॥
सु॒ते सोमे᳚ स्तु॒मसि॒ शंस᳚दु॒क्थेन्द्रा᳚य॒ ब्रह्म॒ वर्ध᳚नं॒ यथास᳚त् ॥
पदपाठः (Word-by-word)
अस्मै᳚ । व॒यम् । यत् । व॒वान᳚ । तत् । वि॒वि॒ष्मः॒ । इन्द्रा᳚य । यः । नः॒ । प्र॒॑दिवः᳚ । अपः᳚ । करिति॒ कः ।
सु॒ते । सोमे᳚ । स्तु॒मसि᳚ । शंस᳚त् । उ॒क्था । इन्द्रा᳚य । ब्रह्म᳚ । वर्ध᳚नम् । यथा᳚ । अस᳚त् ॥
सु॒ते । सोमे᳚ । स्तु॒मसि᳚ । शंस᳚त् । उ॒क्था । इन्द्रा᳚य । ब्रह्म᳚ । वर्ध᳚नम् । यथा᳚ । अस᳚त् ॥
सायणभाष्यम् (Sayana Commentary)
प्रदिवः पुराणोयइन्द्रः नोस्मदर्थं अपः पोषणादिकंकर्म कः करोति अयमिन्द्रः यत् स्तोत्रादिकं ववान कामयते अस्माइन्द्राय वयं तद्विविष्मः व्याप्नुमः कुर्मइत्यर्थः सोमेसुतेभिषुते सति स्तुमसि स्तुमः इन्द्रायस्तोत्राणिकुर्मः उक्था उक्थानि शस्त्राणि शंसत् शंसंतः प्रथमाबहुवचनस्यलुक् ब्रह्म हविर्लक्षणमन्नं इन्द्रायेन्द्रार्थंवर्धनंयथावृद्धिकरं असत् स्यात् तथाकुर्मइत्यर्थः ॥ ५ ॥