यद्वा᳚ दि॒वि पार्ये॒ सुष्वि᳚मिन्द्र वृत्र॒हत्ये॑व᳚सि॒ शूर᳚सातौ ।
यद्वा॒ दक्ष᳚स्य बि॒भ्युषो॒ अबि᳚भ्य॒दर᳚न्धय॒ः शर्ध᳚त इन्द्र॒ दस्यू᳚न् ॥
यद्वा॒ दक्ष᳚स्य बि॒भ्युषो॒ अबि᳚भ्य॒दर᳚न्धय॒ः शर्ध᳚त इन्द्र॒ दस्यू᳚न् ॥
पदपाठः (Word-by-word)
यत् । वा॒ । दि॒वि । पार्ये᳚ । सुस्वि᳚म् । इ॒न्द्र॒ । वृ॒त्र॒॑हत्ये᳚ । अव᳚सि । शूर᳚॑सातौ ।
यत् । वा॒ । दक्ष᳚स्य । बि॒भ्युषः᳚ । अबि᳚भ्यत् । अर᳚न्धयः । शर्ध᳚तः । इ॒न्द्र॒ । दस्यू᳚न् ॥
यत् । वा॒ । दक्ष᳚स्य । बि॒भ्युषः᳚ । अबि᳚भ्यत् । अर᳚न्धयः । शर्ध᳚तः । इ॒न्द्र॒ । दस्यू᳚न् ॥
सायणभाष्यम् (Sayana Commentary)
हेइन्द्र त्वं दिवि द्युलोके शूरसातौ शूरैर्भटैःसंभजनीये वृत्रहत्ये युद्धेच पार्ये प्राप्तव्ये सति सुष्विमभिषोतारं यजमानं अवसि यद्वा रक्षसीति यच्चवेतिसमुच्चये दक्षस्य यज्ञादिषुसमर्थस्य बिभ्युषः शत्रुभ्योबिभ्यतोजनस्य शर्धतः संग्रामेउत्सहमानान् दस्यूनुपक्षपयितॄन्- शत्रून् हेइन्द्र त्वं अबिभ्यद्भीतिरहितःसन् अरन्धयः यद्वा वशीकरोषीति यच्चतत्सर्वं सोमेभिषुतइतिपूर्वेणसंबन्धः तथाचोक्तं यद्बाह्वो- र्धारयन्वज्रंहरिभ्यांयासिवृत्रहन् ॥ यच्चरक्षतिसंग्रामेनॄन् सोममभिषुण्वतः ॥ यच्चकर्मसुदक्षस्ययजमानस्यापारयः ॥ वशीकरोषितांतस्मै- बिभ्यतेभीतिवर्जितः ॥ तत्सोमेभिषुतेस्तोत्रशस्त्रयोश्चप्रवृत्तयोः ॥ इतिद्वृचोयमेकार्थःसुतइत्त्वमितिद्वयंइति ॥ २ ॥