स म᳚न्दस्वा॒ ह्यनु॒ जोष᳚मुग्र॒ प्र त्वा᳚ य॒ज्ञास᳚ इ॒मे अ᳚श्नुवन्तु ।
प्रेमे हवा᳚सः पुरुहू॒तम॒स्मे आ त्वे॒यं धीरव᳚स इन्द्र यम्याः ॥
प्रेमे हवा᳚सः पुरुहू॒तम॒स्मे आ त्वे॒यं धीरव᳚स इन्द्र यम्याः ॥
पदपाठः (Word-by-word)
सः । म॒न्द॒स्व॒ । हि । अनु᳚ । जोष᳚म् । उ॒ग्र॒ । प्र । त्वा॒ । य॒ज्ञासः᳚ । इ॒मे । अ॒श्नु॒व॒न्तु॒ ।
प्र । इ॒मे । हवा᳚सः । पु॒रु॒॑हू॒तम् । अ॒स्मे इति᳚ । आ । त्वा॒ । इ॒यम् । धीः । अव᳚से । इ॒न्द्र॒ । य॒म्याः॒ ॥
प्र । इ॒मे । हवा᳚सः । पु॒रु॒॑हू॒तम् । अ॒स्मे इति᳚ । आ । त्वा॒ । इ॒यम् । धीः । अव᳚से । इ॒न्द्र॒ । य॒म्याः॒ ॥
सायणभाष्यम् (Sayana Commentary)
हेउग्र उद्गूर्णबलेन्द्र सत्वं अनुजोषं कामानुगुणं यथाभवतितथा मन्दस्व मोदस्व हिशब्दःपादपूरणः हियोगेमन्दस्वेत्याख्यातस्यव्य- त्ययात्सर्वानुदात्तत्वं इमेयज्ञासोयज्ञाः सोमाः त्वा त्वां प्राश्नुवन्तु प्राप्नुवन्तु हेपुरुहूत बहुभिराहूतेन्द्र त्वां अस्मे अस्मदीयानि इमे हवा- सोहवाःस्तोत्राणि प्राप्नुवन्तु इयंधीः स्तुतिः त्वां अवसे अस्माकं रक्षणाय आयम्याः आयच्छतु नियच्छतु ॥ ८ ॥