इ॒ममू॒ षु वो॒ अति᳚थिमुष॒र्बुधं॒ विश्वा᳚सां वि॒शां पति᳚मृञ्जसे गि॒रा ।
वेतीद्दि॒वो ज॒नुषा॒ कच्चि॒दा शुचि॒र्ज्योक्चि᳚दत्ति॒ गर्भो॒ यदच्यु᳚तम् ॥
वेतीद्दि॒वो ज॒नुषा॒ कच्चि॒दा शुचि॒र्ज्योक्चि᳚दत्ति॒ गर्भो॒ यदच्यु᳚तम् ॥
पदपाठः (Word-by-word)
इ॒मम् । ऊं॒ इति᳚ । सु । वः॒ । अति᳚थिम् । उ॒षः॒॑बुध᳚म् । विश्वा᳚साम् । वि॒शाम् । पति᳚म् । ऋ॒ञ्ज॒से॒ । गि॒रा ।
वेति᳚ । इत् । दि॒वः । ज॒नुषा᳚ । कत् । चि॒त् । आ । शुचिः᳚ । ज्योक् । चि॒त् । अ॒त्ति॒ । गर्भः᳚ । यत् । अच्यु᳚तम् ॥
वेति᳚ । इत् । दि॒वः । ज॒नुषा᳚ । कत् । चि॒त् । आ । शुचिः᳚ । ज्योक् । चि॒त् । अ॒त्ति॒ । गर्भः᳚ । यत् । अच्यु᳚तम् ॥
सायणभाष्यम् (Sayana Commentary)
हेवीतहव्यऋषे भरद्वाजवा वः त्वं विभक्तिवचनयोर्व्यत्ययः इममु इममेवाग्निं गिरा स्तुत्या सुऋंजसे सुष्ठुप्रसाधय ऋंजतिःप्रसाधनक- र्मेतियास्कः । कीदृशमतिथिं सततंगन्तारं यद्वा अतिथिवत्पूज्यं उषर्बुधं उषसिप्रबुद्धं विश्वासां सर्वासां विशां प्रजानां पतिं पालयितारं जनुषा जन्मना स्वतएवशुचिः शुद्धोनिर्मलोवाग्निः कच्चित् कदाचित् कस्मिंश्चित् यागकाले दिवोद्युलोकात् आवेति आगच्छति तदानींप्र- साधयेत्यन्वयः एवंप्रसाधितोग्निः गर्भः अरण्योर्मध्ये गर्भवद्वर्तमानः यद्वा द्यावापृथिव्योर्गर्भभूतःसन् यद्धविः अच्युतं च्युतिरहितं नित्यं अग्निहोत्रादिसाधनभतं पयःप्रभृतिकं तत् ज्योक् चित् चिरकालं अत्ति भक्षयति ॥ १ ॥