अग्ने॒ विश्वे᳚भिः स्वनीक दे॒वैरूर्णा᳚वन्तं प्रथ॒मः सी᳚द॒ योनि᳚म् ।
कु॒ला॒यिनं᳚ घृ॒तव᳚न्तं सवि॒त्रे य॒ज्ञं न᳚य॒ यज᳚मानाय सा॒धु ॥
कु॒ला॒यिनं᳚ घृ॒तव᳚न्तं सवि॒त्रे य॒ज्ञं न᳚य॒ यज᳚मानाय सा॒धु ॥
पदपाठः (Word-by-word)
अग्ने᳚ । विश्वे᳚भिः । सु॒॑अ॒नी॒क॒ । दे॒वैः । ऊर्णा᳚॑वन्तम् । प्र॒थ॒मः । सी॒द॒ । योनि᳚म् ।
कु॒ला॒यिन᳚म् । घृ॒त॑व᳚न्तम् । स॒वि॒त्रे । य॒ज्ञम् । न॒य॒ । यज᳚मानाय । सा॒धु ॥
कु॒ला॒यिन᳚म् । घृ॒त॑व᳚न्तम् । स॒वि॒त्रे । य॒ज्ञम् । न॒य॒ । यज᳚मानाय । सा॒धु ॥
सायणभाष्यम् (Sayana Commentary)
हेस्वनीक सुज्वालाग्ने विश्वेभिः विश्वैः सर्वैर्देवैःसह ऊर्णावन्तं ऊर्णास्तुकावन्तं योनिं उत्तरवेदिलक्षणंस्थानं प्रथमः सर्वेषुदेवेषुमुख्यस्त्वं सीद उपविश कीदृशंयोनिं कुलायिनं कुलायोनीडं तत्सदृशं गुग्गुल्वादिसंभरणोपतं तथाचश्रूयते—कुलायमिवह्येतद्यज्ञेक्रियतेयत्पैतुदार- वाः परिधयोगुग्गुलूर्णास्तुकाःसुगन्धितेजनानीति । घृतवन्तं व्याघारणाज्ययुक्तं एवमुत्तरवेद्यांनिषण्णस्त्वं सवित्रे हविषांप्रेरयित्रेयजमा- नाय षष्ठ्यर्थेचतुर्थ्येषा ईदृशस्ययजमानस्य यज्ञं साधु आर्जवेननय देवान् प्रापय ॥ १६ ॥