पा॒व॒कया॒ यश्चि॒तय᳚न्त्या कृ॒पा क्षाम᳚न्रुरु॒च उ॒षसो॒ न भा॒नुना᳚ ।
तूर्व॒न्न याम॒न्नेत᳚शस्य॒ नू रण॒ आ यो घृ॒णे न त᳚तृषा॒णो अ॒जरः᳚ ॥
तूर्व॒न्न याम॒न्नेत᳚शस्य॒ नू रण॒ आ यो घृ॒णे न त᳚तृषा॒णो अ॒जरः᳚ ॥
पदपाठः (Word-by-word)
पा॒व॒कया᳚ । यः । चि॒तय᳚न्त्या । कृ॒पा । क्षाम᳚न् । रु॒रु॒चे । उ॒षसः᳚ । न । भा॒नुना᳚ ।
तूर्व᳚न् । न । याम᳚न् । एत᳚शस्य । नु । रणे᳚ । आ । यः । घृ॒णे । न । त॒तृ॒षा॒णः । अ॒जरः᳚ ॥
तूर्व᳚न् । न । याम᳚न् । एत᳚शस्य । नु । रणे᳚ । आ । यः । घृ॒णे । न । त॒तृ॒षा॒णः । अ॒जरः᳚ ॥
सायणभाष्यम् (Sayana Commentary)
योग्निः पावकया शोधयित्र्या चितयन्त्या चेतयन्त्या प्रज्ञापयन्त्या कृपा दीप्त्या क्षामन् भूम्यां रुरुचे दीप्यते उषसोनभानुना यथाउष- सः प्रकाशेनभासन्तेतद्वत् अपिच यामन् यामनि सङ्ग्रामे तुर्वन्न शत्रून् हिंसन् पुरुषइव एतशस्य एतत्संज्ञकस्यऋषेरणे सूर्येणसहसंग्रामे सहायार्थं योमिर्नुक्षिप्रंआघृणे आदीप्यते प्रैतशंसूर्येपस्पृधानमितिनिगमान्तरम् । नूनं सर्वेदेवास्तस्य साहाव्यमकार्षुः यश्च ततृषाणस्तृषितः प्रभावेनसर्वभक्षणशीलः अजरः जरारहितश्चभवति तं देवमृंजसइतिपूर्वस्यामृचिसंबन्धः ॥ ५ ॥