समि᳚द्धम॒ग्निं स॒मिधा᳚ गि॒रा गृ᳚णे॒ शुचिं᳚ पाव॒कं पु॒रो अ᳚ध्व॒रे ध्रु॒वम् ।
विप्रं॒ होता᳚रं पुरु॒वार᳚म॒द्रुहं᳚ क॒विं सु॒म्नैरी᳚महे जा॒तवे᳚दसम् ॥
विप्रं॒ होता᳚रं पुरु॒वार᳚म॒द्रुहं᳚ क॒विं सु॒म्नैरी᳚महे जा॒तवे᳚दसम् ॥
पदपाठः (Word-by-word)
सम्॑इ᳚द्धम् । अ॒ग्निम् । स॒म्॑इधा᳚ । गि॒रा । गृ॒णे॒ । शुचि᳚म् । पा॒व॒कम् । पु॒रः । अ॒ध्व॒रे । ध्रु॒वम् ।
विप्र᳚म् । होता᳚रम् । पु॒रु॒॑वार᳚म् । अ॒द्रुह᳚म् । क॒विम् । सु॒म्नैः । ई॒म॒हे॒ । जा॒त॑वे᳚दसम् ॥
विप्र᳚म् । होता᳚रम् । पु॒रु॒॑वार᳚म् । अ॒द्रुह᳚म् । क॒विम् । सु॒म्नैः । ई॒म॒हे॒ । जा॒त॑वे᳚दसम् ॥
सायणभाष्यम् (Sayana Commentary)
समिद्धं सम्यग्दीप्तमग्निं समिधा समिंधनहेतुभूतया गिरा स्तुत्या गृणे स्तौमि यद्वा समिधा समिद्भिर्दारुभिः समिद्धं सम्यगिद्धं अपिच शुचिं स्वयंशुद्धं पावकं सर्वेषांशोधकं ध्रुवं निश्चलं तमग्निं अध्वरे यज्ञे पुरस्करोमीतिशेषः तथाविप्रं मेधाविनं होतारं देवानामाह्वातारं पुरुवारं बहुभिर्वरणीयं अद्रुहं अद्रोग्धारंसर्वेषामनुकूलं कविं क्रान्तदर्शिनं जातवेदसं जातानां वेदितारमग्निं सुम्नैः सुखकरैःस्तोत्रैः ईमहे सं- भजामहे यद्वा द्वितीयार्थेतृतीया सुम्नानि धनानि ईमहे याचामहे ॥ ७ ॥