त्वां दू॒तम᳚ग्ने अ॒मृतं᳚ यु॒गेयु᳚गे हव्य॒वाहं᳚ दधिरे पा॒युमीड्य᳚म् ।
दे॒वास᳚श्च॒ मर्ता᳚सश्च॒ जागृ᳚विं वि॒भुं वि॒श्पतिं॒ नम᳚सा॒ नि षे᳚दिरे ॥
दे॒वास᳚श्च॒ मर्ता᳚सश्च॒ जागृ᳚विं वि॒भुं वि॒श्पतिं॒ नम᳚सा॒ नि षे᳚दिरे ॥
पदपाठः (Word-by-word)
त्वाम् । दू॒तम् । अ॒ग्ने॒ । अ॒मृत᳚म् । यु॒गे॑यु᳚गे । ह॒व्य॒॑वाह᳚म् । द॒धि॒रे॒ । पा॒युम् । ईड्य᳚म् ।
दे॒वासः᳚ । च॒ । मर्ता᳚सः । च॒ । जागृ᳚विम् । वि॒॑भुम् । वि॒श्पति᳚म् । नम᳚सा । नि । से॒दि॒रे॒ ॥
दे॒वासः᳚ । च॒ । मर्ता᳚सः । च॒ । जागृ᳚विम् । वि॒॑भुम् । वि॒श्पति᳚म् । नम᳚सा । नि । से॒दि॒रे॒ ॥
सायणभाष्यम् (Sayana Commentary)
हेअग्ने त्वां देवासोदेवाश्च मर्तासोमनुष्याश्च दूतं दधिरे विदधिरेकृतवन्तः कीदृशंत्वां अमृतममरणं युगेयुगे कालेकाले तत्तद्यागानुष्ठान- समये हव्यवाहं हव्यानांहविषांवोढारं पायुं पालयितारमीड्यंस्तुत्यं अपिच ते उभयविधाः जागृविं जागरणशीलं विभुं व्याप्तं विश्पतिं विशांप्रजानांपालयितारं तमग्निं नमसानमस्कारेण हविर्लक्षणान्नेनवा निषेदिरे उपसेदिरे ॥ ८ ॥