अ॒ग्निर्होता᳚ गृ॒हप᳚ति॒ः स राजा॒ विश्वा᳚ वेद॒ जनि᳚मा जा॒तवे᳚दाः ।
दे॒वाना᳚मु॒त यो मर्त्या᳚नां॒ यजि᳚ष्ठ॒ः स प्र य᳚जतामृ॒तावा᳚ ॥
दे॒वाना᳚मु॒त यो मर्त्या᳚नां॒ यजि᳚ष्ठ॒ः स प्र य᳚जतामृ॒तावा᳚ ॥
पदपाठः (Word-by-word)
अ॒ग्निः । होता᳚ । गृ॒ह॑प᳚तिः । सः । राजा᳚ । विश्वा᳚ । वे॒द॒ । जनि᳚म । जा॒त॑वे᳚दाः ।
दे॒वाना᳚म् । उ॒त । यः । मर्त्या᳚नाम् । यजि᳚ष्ठः । सः । प्र । य॒ज॒ता॒म् । ऋ॒त॑वा᳚ ॥
दे॒वाना᳚म् । उ॒त । यः । मर्त्या᳚नाम् । यजि᳚ष्ठः । सः । प्र । य॒ज॒ता॒म् । ऋ॒त॑वा᳚ ॥
सायणभाष्यम् (Sayana Commentary)
होता देवानामाह्वाता राजा राजमानः सोग्निः गृहपतिः गृहाणांपतिरधिपतिर्भवति तथा विश्वा विश्वानिसर्वाणि जनिम जन्मानि जन्मवन्ति भूतजातानि जातवेदाः जातप्रज्ञःसन् वेद वेत्तिजानाति योग्निःदेवानामिन्द्रादीनां उतापिच मर्त्यानांमनुष्याणांचमध्ये यजिष्ठः अतिशयेनयष्टाभवति ऋतावा ऋतंसत्यंयज्ञोवातद्वान् सोग्निः प्रयजतां प्रकर्षेणदेवान्यजत् ॥ १३ ॥ अग्नेयदद्येतिदर्शपूर्णमासयोःस्विष्टकृतोयाज्या सूत्रितंच—अग्नेयदद्यविशोअध्वरस्यहोतरित्यनवानंयजतीति ।