वि॒भूष᳚न्नग्न उ॒भया{4}॒ अनु᳚ व्र॒ता दू॒तो दे॒वानां॒ रज᳚सी॒ समी᳚यसे ।
यत्ते᳚ धी॒तिं सु᳚म॒तिमा᳚वृणी॒महे॑ध᳚ स्मा नस्त्रि॒वरू᳚थः शि॒वो भ᳚व ॥
यत्ते᳚ धी॒तिं सु᳚म॒तिमा᳚वृणी॒महे॑ध᳚ स्मा नस्त्रि॒वरू᳚थः शि॒वो भ᳚व ॥
पदपाठः (Word-by-word)
वि॒॑भूष᳚न् । अ॒ग्ने॒ । उ॒भया᳚न् । अनु᳚ । व्र॒ता । दू॒तः । दे॒वाना᳚म् । रज᳚सी॒ इति᳚ । सम् । ई॒य॒से॒ ।
यत् । ते॒ । धी॒तिम् । सु॒॑म॒तिम् । आ॒॑वृ॒णी॒महे᳚ । अध᳚ । स्म॒ । नः॒ । त्रि॒॑वरू᳚थः । शि॒वः । भ॒व॒ ॥
यत् । ते॒ । धी॒तिम् । सु॒॑म॒तिम् । आ॒॑वृ॒णी॒महे᳚ । अध᳚ । स्म॒ । नः॒ । त्रि॒॑वरू᳚थः । शि॒वः । भ॒व॒ ॥
सायणभाष्यम् (Sayana Commentary)
हेअग्ने उभयानुभयविधान् देवान् मनुष्यांश्च विभूषन् विशेषेणभूषयन् अलंकुर्वन् त्वां अनुव्रता व्रतान्यनु व्रतेषु कर्मसु यागेषु देवानां- दूतःसन् रजसी द्यावापृथिव्यौ समीयसे संचरसि देवानानेतुंद्युलोकंगच्छसि हवींषिचनेतुमिमंलोकं किंच य्द्यस्मात्तेतुभ्यं त्वदर्थं धीतिं कर्म सुमतिं शोभनांस्तुतिंच आवृणीमहे वयंसंभजामहे अध अतःकारणात् त्रिवरूथस्त्रिस्थानस्त्वं नोस्माकं शिवःसुखकरोभव स्मेत्येतत्पा- दपूरणम् ॥ ९ ॥ प्रातरनुवाकाश्विनशस्त्रयोराग्नेयेक्रतौत्रैष्टुभेछन्दसि तंसुप्रतीकमित्याद्याः षळृचः सूत्रितंच—तंसुप्रतीकमितिषळिति ।