आ सं॒यत᳚मिन्द्र णः स्व॒स्तिं श᳚त्रु॒तूर्या᳚य बृह॒तीममृ᳚ध्राम् ।
यया॒ दासा॒न्यार्या᳚णि वृ॒त्रा करो᳚ वज्रिन्त्सु॒तुका॒ नाहु᳚षाणि ॥
यया॒ दासा॒न्यार्या᳚णि वृ॒त्रा करो᳚ वज्रिन्त्सु॒तुका॒ नाहु᳚षाणि ॥
पदपाठः (Word-by-word)
आ । स॒म्॑यत᳚म् । इ॒न्द्र॒ । नः॒ । स्व॒स्तिम् । श॒त्रु॒॑तूर्या᳚य । बृ॒ह॒तीम् । अमृ᳚ध्राम् ।
यया᳚ । दासा᳚नि । आर्या᳚णि । वृ॒त्रा । करः᳚ । व॒ज्रि॒न् । सु॒॑तुका᳚ । नाहु᳚षाणि ॥
यया᳚ । दासा᳚नि । आर्या᳚णि । वृ॒त्रा । करः᳚ । व॒ज्रि॒न् । सु॒॑तुका᳚ । नाहु᳚षाणि ॥
सायणभाष्यम् (Sayana Commentary)
हेइन्द्र शत्रुतूर्याय शत्रूणांतारणाय बृहतीं महतीं अमृध्रां अहिंसितां संयतं संयतीं संगच्छमानां स्वस्तिं क्षेमलक्षणां संपदं हेइन्द्र नोस्म- भ्यमाभर हेवज्रिन् वज्रवन्निंद्र ययास्वस्त्या दासानि कर्महीनानिमनुष्यजातानि आर्याणि कर्मयुक्तानि करः अकरोः नाहुषाणि मनुष्य- संबन्धीनि नहुषाइतिमनुष्यनामैतत् वृत्रा वृत्राणि शत्रून् सुतुका सुतुकानि शोभनहिंसोपेतान्यकरोः ॥ १० ॥