तमी᳚मह॒ इन्द्र᳚मस्य रा॒यः पु᳚रु॒वीर᳚स्य नृ॒वतः᳚ पुरु॒क्षोः ।
यो अस्कृ᳚धोयुर॒जर॒ः स्व᳚र्वा॒न्तमा भ᳚र हरिवो माद॒यध्यै᳚ ॥
यो अस्कृ᳚धोयुर॒जर॒ः स्व᳚र्वा॒न्तमा भ᳚र हरिवो माद॒यध्यै᳚ ॥
पदपाठः (Word-by-word)
तम् । ई॒म॒हे॒ । इन्द्र᳚म् । अ॒स्य॒ । रा॒यः । पु॒रु॒॑वीर᳚स्य । नृ॒॑वतः᳚ । पु॒रु॒॑क्षोः ।
यः । अस्कृ᳚धोयुः । अ॒जरः᳚ । स्वः᳚॑वान् । तम् । आ । भ॒र॒ । ह॒रि॒॑वः॒ । मा॒द॒यध्यै᳚ ॥
यः । अस्कृ᳚धोयुः । अ॒जरः᳚ । स्वः᳚॑वान् । तम् । आ । भ॒र॒ । ह॒रि॒॑वः॒ । मा॒द॒यध्यै᳚ ॥
सायणभाष्यम् (Sayana Commentary)
पुरुवीरस्य बहुपुत्रपौत्रयुक्तस्य नृवतः परिचारकजनसहितस्य पुरुक्षोर्बह्वन्नस्य बहुपशोर्वा अस्यरायः इदंधनं द्वितीयार्थेषष्ठी तमिन्द्रं ईमहे याचामहे योरयिः अस्कृधोयुः अविच्छिन्नः अजरोजराहानिरहितः स्वर्वान् सुखयुक्तः हेहरिवः हरिवन् स्वकीयाश्वोपेतेन्द्र त्वं तं रयिं मादयध्यै अस्मान्मादयितुं आभराहर ॥ ३ ॥