इ॒यं मद्वां॒ प्र स्तृ᳚णीते मनी॒षोप᳚ प्रि॒या नम᳚सा ब॒र्हिरच्छ᳚ ।
य॒न्तं नो᳚ मित्रावरुणा॒वधृ᳚ष्टं छ॒र्दिर्यद्वां᳚ वरू॒थ्यं᳚ सुदानू ॥
य॒न्तं नो᳚ मित्रावरुणा॒वधृ᳚ष्टं छ॒र्दिर्यद्वां᳚ वरू॒थ्यं᳚ सुदानू ॥
पदपाठः (Word-by-word)
इ॒यम् । मत् । वा॒म् । प्र । स्तृ॒णी॒ते॒ । म॒नी॒षा । उप᳚ । प्रि॒या । नम᳚सा । ब॒र्हिः । अच्छ᳚ ।
य॒न्तम् । नः॒ । मि॒त्रा॒व॒रु॒णौ॒ । अधृ᳚ष्टम् । छ॒र्दिः । यत् । वा॒म् । व॒रू॒थ्य᳚म् । सु॒दा॒नू॒ इति᳚ सु॑दानू ॥
य॒न्तम् । नः॒ । मि॒त्रा॒व॒रु॒णौ॒ । अधृ᳚ष्टम् । छ॒र्दिः । यत् । वा॒म् । व॒रू॒थ्य᳚म् । सु॒दा॒नू॒ इति᳚ सु॑दानू ॥
सायणभाष्यम् (Sayana Commentary)
हे मित्रावरुणौ वां युवां मत् मम इयं मनीषा स्तुतिः प्रस्तृणीते प्रच्छादयति । प्रिया हे प्रियौ युवां नमसा अन्नेन हविषा सहोपगच्छति च । युवयोः बर्हिः यज्ञमच्छ अभिगच्छति च । हे मित्रावरुणौ नोस्मभ्यं अधृष्टं अनभिभूतं छर्दिर्गृहं यंतं प्रयच्छतं हे सुदानू शोभनदानौ घां युवयोः संबन्धि युवाभ्यां देयं यद्गृहं वरूथ्यं शीतवातातपाना बारयितु भवति ॥ २ ॥