क्व१॒᳚ त्या व॒ल्गू पु᳚रुहू॒ताद्य दू॒तो न स्तोमो᳚॑विद॒न्नम᳚स्वान् ।
आ यो अ॒र्वाङ्नास᳚त्या व॒वर्त॒ प्रेष्ठा॒ ह्यस᳚थो अस्य॒ मन्म᳚न् ॥
आ यो अ॒र्वाङ्नास᳚त्या व॒वर्त॒ प्रेष्ठा॒ ह्यस᳚थो अस्य॒ मन्म᳚न् ॥
पदपाठः (Word-by-word)
क्व᳚ । त्या । व॒ल्गू इति᳚ । पु॒रु॒॑हू॒ता । अ॒द्य । दू॒तः । न । स्तोमः᳚ । अ॒वि॒द॒त् । नम᳚स्वान् ।
आ । यः । अ॒र्वाक् । नास᳚त्या । व॒वर्त᳚ । प्रेष्ठा᳚ । हि । अस᳚थः । अ॒स्य॒ । मन्म᳚न् ॥
आ । यः । अ॒र्वाक् । नास᳚त्या । व॒वर्त᳚ । प्रेष्ठा᳚ । हि । अस᳚थः । अ॒स्य॒ । मन्म᳚न् ॥
सायणभाष्यम् (Sayana Commentary)
क्व कुत्र स्थितौ वल्गू रुचिरौ पुरुहूता बहुभिराहूतौ त्या तावश्विनौ नमस्वान् हविषा युक्तः नम आयुरित्यन्ननामसु पाठात् स्तोमः पंचद- शादिस्तोमः अद्य दूतो न प्रेरितोदूत इव अविदत् विंदेत् यः स्तोमः अर्वागस्मदभिमुखं नासत्यावश्विनौ आववर्त आवर्तयत् । हे अश्विनौ युवामस्य स्तोतुः मन्मन् स्तोत्रे प्रेष्ठा हि प्रियतमौ हि असथो भवतः ॥ १ ॥