यु॒वं श्री॒भिर्द᳚र्श॒ताभि᳚रा॒भिः शु॒भे पु॒ष्टिमू᳚हथुः सू॒र्याया᳚ः ।
प्र वां॒ वयो॒ वपु॒षे॑नु᳚ पप्त॒न्नक्ष॒द्वाणी॒ सुष्टु᳚ता धिष्ण्या वाम् ॥
प्र वां॒ वयो॒ वपु॒षे॑नु᳚ पप्त॒न्नक्ष॒द्वाणी॒ सुष्टु᳚ता धिष्ण्या वाम् ॥
पदपाठः (Word-by-word)
यु॒वम् । श्री॒भिः । द॒र्श॒ताभिः᳚ । आ॒भिः । शु॒भे । पु॒ष्टिम् । ऊ॒ह॒थुः॒ । सू॒र्यायाः᳚ ।
प्र । वा॒म् । वयः᳚ । वपु᳚षे । अनु᳚ । प॒प्त॒न् । नक्ष᳚त् । वाणी᳚ । सु॑स्तु᳚ता । धि॒ष्ण्या॒ । वा॒म् ॥
प्र । वा॒म् । वयः᳚ । वपु᳚षे । अनु᳚ । प॒प्त॒न् । नक्ष᳚त् । वाणी᳚ । सु॑स्तु᳚ता । धि॒ष्ण्या॒ । वा॒म् ॥
सायणभाष्यम् (Sayana Commentary)
हे अश्विनौ युवं युवां दर्शताभिः दशनीयाभिराभिः श्रीमतां परिदृश्यमानाभिः श्रीभिः लक्ष्मीभिः कान्तिभिर्वा सूर्यायाः युवयोः पत्न्याः शुभे शोभनार्थं पुष्टिं पूर्तिं ऊहथुः प्रापयथः । किं च वां युवां वयोश्वा वपुषे शोभायै प्रानुपप्तन् प्रकर्षेणान्वपतन् । अपि च हे धिष्णया- स्तुत्यर्हावश्विनौ वां युवां सुष्टुता वाणी ऋषीणां स्तुतिः नक्षत व्याप्नोति ॥ ६ ॥