आ वां॒ वयो॑श्वा᳚सो॒ वहि᳚ष्ठा अ॒भि प्रयो᳚ नासत्या वहन्तु ।
प्र वां॒ रथो॒ मनो᳚जवा असर्जी॒षः पृ॒क्ष इ॒षिधो॒ अनु᳚ पू॒र्वीः ॥
प्र वां॒ रथो॒ मनो᳚जवा असर्जी॒षः पृ॒क्ष इ॒षिधो॒ अनु᳚ पू॒र्वीः ॥
पदपाठः (Word-by-word)
आ । वा॒म् । वयः᳚ । अश्वा᳚सः । वहि᳚ष्ठाः । अ॒भि । प्रयः᳚ । ना॒स॒त्या॒ । व॒ह॒न्तु॒ ।
प्र । वा॒म् । रथः᳚ । मनः᳚॑जवाः । अ॒स॒र्जि॒ । इ॒षः । पृ॒क्षः । इ॒षिधः᳚ । अनु᳚ । पू॒र्वीः ॥
प्र । वा॒म् । रथः᳚ । मनः᳚॑जवाः । अ॒स॒र्जि॒ । इ॒षः । पृ॒क्षः । इ॒षिधः᳚ । अनु᳚ । पू॒र्वीः ॥
सायणभाष्यम् (Sayana Commentary)
हे नासत्या वां युवां वयो गन्तारः वहिष्ठाः वोह्ळृतमाः अश्वासो अश्वाः प्रयः सोमरूपमन्नमभि आ वहन्तु । वां युवयोः मनोजवाः मनोवेगोरथः पृक्षः संपर्चनीयः इषिधः एषणीयाः पूर्वीर्बह्वीः इषोन्नानि सोमान् अनुप्रासर्जि विसृष्टः ॥ ७ ॥