उ॒त म᳚ ऋ॒ज्रे पुर᳚यस्य र॒घ्वी सु᳚मी॒ळ्हे श॒तं पे᳚रु॒के च᳚ प॒क्वा ।
शा॒ण्डो दा᳚द्धिर॒णिन॒ः स्मद्दि᳚ष्टी॒न्दश᳚ व॒शासो᳚ अभि॒षाच᳚ ऋ॒ष्वान् ॥
शा॒ण्डो दा᳚द्धिर॒णिन॒ः स्मद्दि᳚ष्टी॒न्दश᳚ व॒शासो᳚ अभि॒षाच᳚ ऋ॒ष्वान् ॥
पदपाठः (Word-by-word)
उ॒त । मे॒ । ऋ॒ज्रे इति᳚ । पुर᳚यस्य । र॒घ्वी इति᳚ । सु॒॑मी॒ळ्हे । श॒तम् । पे॒रु॒के । च॒ । प॒क्वा ।
शा॒ण्डः । दा॒त् । हि॒र॒णिनः᳚ । स्मत्॑दि᳚ष्टीन् । दश᳚ । व॒शासः᳚ । अ॒भि॒॑साचः᳚ । ऋ॒ष्वान् ॥
शा॒ण्डः । दा॒त् । हि॒र॒णिनः᳚ । स्मत्॑दि᳚ष्टीन् । दश᳚ । व॒शासः᳚ । अ॒भि॒॑साचः᳚ । ऋ॒ष्वान् ॥
सायणभाष्यम् (Sayana Commentary)
उतापि च पुरयस्य पुरयनामकस्य स्वभूते ऋज्रे ऋजुगमने रघ्वी क्षिप्रगामिन्यौ वदवे मे अश्विनौ स्तुतिं कुर्वतो ममाभूतां सुमीह्ळे राज्ञि विद्यमानाः सन्तः शतं गावो ममाभूवन् पेरुके राज्ञि विद्यमानानि पक्वा पद्वान्यन्नानि ममासन् शांडश्च राजा हिरणिनः हिरण्यवतः स्मद्दिष्टीन् प्रशस्तदर्शनान् रथानश्वान्वा दश दशसंख्याकान् वशासः अनुगुणान् अभिषाचः शत्रूणामभिभावुकान् ऋष्वान् दर्शनीयान् पुरुषान् अश्विनोः स्तोतृभ्यो दात् ददातु ॥ ९ ॥