त्वाम᳚ग्ने॒ अङ्गि᳚रसो॒ गुहा᳚ हि॒तमन्व᳚विन्दञ्छिश्रिया॒णं वने᳚वने ।
स जा᳚यसे म॒थ्यमा᳚न॒ः सहो᳚ म॒हत्त्वामा᳚हु॒ः सह᳚सस्पु॒त्रम᳚ङ्गिरः ॥
स जा᳚यसे म॒थ्यमा᳚न॒ः सहो᳚ म॒हत्त्वामा᳚हु॒ः सह᳚सस्पु॒त्रम᳚ङ्गिरः ॥
पदपाठः (Word-by-word)
त्वाम् । अ॒ग्ने॒ । अङ्गि᳚रसः । गुहा᳚ । हि॒तम् । अनु᳚ । अ॒वि॒न्द॒न् । शि॒श्रि॒या॒णम् । वने᳚॑वने ।
सः । जा॒य॒से॒ । म॒थ्यमा᳚नः । सहः᳚ । म॒हत् । त्वाम् । आ॒हुः॒ । सह᳚सः । पु॒त्रम् । अ॒ङ्गि॒रः॒ ॥
सः । जा॒य॒से॒ । म॒थ्यमा᳚नः । सहः᳚ । म॒हत् । त्वाम् । आ॒हुः॒ । सह᳚सः । पु॒त्रम् । अ॒ङ्गि॒रः॒ ॥
सायणभाष्यम् (Sayana Commentary)
हेअग्ने अंगिरसऋषयः गुहा गुहायां हितं निहितं निगूढं वनेवने वृक्षेवृक्षे शिश्रियाणं आश्रितं त्वां अन्वविंदन् अलभन्त महत् महता सहः सहसा बलेनयुक्तः सत्वं मथ्यमानोजायसे हेअंगिरः अंगिरसांप्रकृतिभूत त्वांसहसस्पुत्रमाहुः ॥ शिश्रियाणं श्रिञ् सेवायां लिटःकानच् शपःश्लुः श्लावितिद्विर्वचनं इयङादेशः चित्त्वादन्तोदात्तः ॥ ६ ॥
प्राग्नयेबृहतइतिषळृचंद्वादशंसूक्तं सुतंभरस्यार्षंत्रैष्टुभमाग्नेयं प्राग्नायइत्यनुक्रान्तम् । प्रातरनुवाकेआग्नेयेक्रतौत्रै ष्टुभेछन्दसि आश्विन –शस्त्रेचेदंसूक्तं सूत्रितंच-प्राग्नयेबृहतेप्रवेधसेकवयइति ।