जी॒मूत᳚स्येव भवति॒ प्रती᳚कं॒ यद्व॒र्मी याति᳚ स॒मदा᳚मु॒पस्थे᳚ ।
अना᳚विद्धया त॒न्वा᳚ जय॒ त्वं स त्वा॒ वर्म᳚णो महि॒मा पि᳚पर्तु ॥
अना᳚विद्धया त॒न्वा᳚ जय॒ त्वं स त्वा॒ वर्म᳚णो महि॒मा पि᳚पर्तु ॥
पदपाठः (Word-by-word)
जी॒मूत᳚स्य॑इव । भ॒व॒ति॒ । प्रती᳚कम् । यत् । व॒र्मी । याति᳚ । स॒॑मदा᳚म् । उ॒प॑स्थे᳚ ।
अना᳚विद्धया । त॒न्वा᳚ । ज॒य॒ । त्वम् । सः । त्वा॒ । वर्म᳚णः । म॒हि॒मा । पि॒प॒र्तु॒ ॥
अना᳚विद्धया । त॒न्वा᳚ । ज॒य॒ । त्वम् । सः । त्वा॒ । वर्म᳚णः । म॒हि॒मा । पि॒प॒र्तु॒ ॥
सायणभाष्यम् (Sayana Commentary)
समदां संग्रामाणां उपस्थे उपस्थाने सति यद्यदायं राजा वर्मी कवची याति तदा लोहमयेन वर्मणा सन्नद्धस्य राज्ञः प्रतीकं रूपं जीमूत- स्येव मेघस्येव भवति मेघस्य यादृशं रूपं तादृशमस्य भवतीत्यर्थः हे राजन् त्वं अनाविद्धया शत्रुभिरबाधितया तन्वा शरीरेण शत्रून् जयवर्मणः सतादृशो महिमा त्वा त्वां पिपर्तु पालयतु ॥ १ ॥