धन्व᳚ना॒ गा धन्व᳚ना॒जिं ज᳚येम॒ धन्व᳚ना ती॒व्राः स॒मदो᳚ जयेम ।
धनु॒ः शत्रो᳚रपका॒मं कृ᳚णोति॒ धन्व᳚ना॒ सर्वा᳚ः प्र॒दिशो᳚ जयेम ॥
धनु॒ः शत्रो᳚रपका॒मं कृ᳚णोति॒ धन्व᳚ना॒ सर्वा᳚ः प्र॒दिशो᳚ जयेम ॥
पदपाठः (Word-by-word)
धन्व᳚ना । गाः । धन्व᳚ना । आ॒जिम् । ज॒ये॒म॒ । धन्व᳚ना । ती॒व्राः । स॒॑मदः᳚ । ज॒ये॒म॒ ।
धनुः᳚ । शत्रोः᳚ । अ॒प॒॑का॒मम् । कृ॒णो॒ति॒ । धन्व᳚ना । सर्वाः᳚ । प्र॒॑दिशः᳚ । ज॒ये॒म॒ ॥
धनुः᳚ । शत्रोः᳚ । अ॒प॒॑का॒मम् । कृ॒णो॒ति॒ । धन्व᳚ना । सर्वाः᳚ । प्र॒॑दिशः᳚ । ज॒ये॒म॒ ॥
सायणभाष्यम् (Sayana Commentary)
धन्वना चापेन गाः शत्रूणां जयेम वयं वशीकरवाम धन्वना आजिं संग्रामं च जयेम धन्वना तीव्राः उद्धताः समदः अत्यन्तमदवतीः शत्रुसेनाश्च जयेम तथाचयास्कः-समदः समदोवात्तेः संमदोवामदतेरिति । धनुः शत्रोरपकामं कामस्यापायं कृणोति करोतु । किं च धन्वना वयं सर्वाः प्रदिशः सर्वासु दिक्षु वर्तमानान् शत्रून् जयम प्रदिक् शब्दो लक्षणया तत्स्थेषु पुरुषेषु वर्तते मंचाः क्रोशंतीतिवत् । धन्वन् शब्दस्य जयतेश्चावृत्तिरादरार्था ॥ २ ॥