र॒थ॒वाह᳚नं ह॒विर᳚स्य॒ नाम॒ यत्रायु᳚धं॒ निहि᳚तमस्य॒ वर्म᳚ ।
तत्रा॒ रथ॒मुप᳚ श॒ग्मं स᳚देम वि॒श्वाहा᳚ व॒यं सु᳚मन॒स्यमा᳚नाः ॥
तत्रा॒ रथ॒मुप᳚ श॒ग्मं स᳚देम वि॒श्वाहा᳚ व॒यं सु᳚मन॒स्यमा᳚नाः ॥
पदपाठः (Word-by-word)
र॒थ॒॑वाह᳚नम् । ह॒विः । अ॒स्य॒ । नाम᳚ । यत्र᳚ । आयु᳚धम् । नि॑हि᳚तम् । अ॒स्य॒ । वर्म᳚ ।
तत्र᳚ । रथ᳚म् । उप᳚ । श॒ग्मम् । स॒दे॒म॒ । वि॒श्वाहा᳚ । व॒यम् । सु॒॑म॒न॒स्यमा᳚नाः ॥
तत्र᳚ । रथ᳚म् । उप᳚ । श॒ग्मम् । स॒दे॒म॒ । वि॒श्वाहा᳚ । व॒यम् । सु॒॑म॒न॒स्यमा᳚नाः ॥
सायणभाष्यम् (Sayana Commentary)
अस्य राज्ञः रथवाहनं शत्रून् जित्वा रथेनोह्यमानं धनं हविर्भवति अग्नेर्हविरिववर्धकं भवतीत्यर्थः । नामेति संमतिः यत्र रथे अस्य राज्ञः आयुधं धनुः शरादिकं वर्म कवचं च निहितं भवति तत्रेत्यव्ययस्य सार्वविभक्तित्वात् शग्मं सुखकरं विश्वाहा सर्वदा सुमनस्यमानाः सुख- मनसो भवन्तो वयं पायवो भरद्वाजाः उपसदेम उपगच्छेम ॥ ८ ॥