आ ज᳚ङ्घन्ति॒ सान्वे᳚षां ज॒घना{4}॒ उप᳚ जिघ्नते ।
अश्वा᳚जनि॒ प्रचे᳚त॒सो॑श्वा᳚न्त्स॒मत्सु᳚ चोदय ॥
अश्वा᳚जनि॒ प्रचे᳚त॒सो॑श्वा᳚न्त्स॒मत्सु᳚ चोदय ॥
पदपाठः (Word-by-word)
आ । ज॒ङ्घ॒न्ति॒ । सानु᳚ । ए॒षा॒म् । ज॒घना᳚न् । उप᳚ । जि॒घ्न॒ते॒ ।
अश्व᳚॑अजनि । प्र॑चे᳚तसः । अश्वा᳚न् । स॒मत्॑सु᳚ । चो॒द॒य॒ ॥
अश्व᳚॑अजनि । प्र॑चे᳚तसः । अश्वा᳚न् । स॒मत्॑सु᳚ । चो॒द॒य॒ ॥
सायणभाष्यम् (Sayana Commentary)
अश्वाजनि अश्वानां क्षेप्त्रि कशे यया त्वया प्रचेतसः प्रकृष्टज्ञानाः सादिनः सारथयोवा एषामश्वानां सानु सानूनि सक्थीनि आजंघंति आघ्नंति जघनान् जघनानि उपजिघ्नंति सा त्वं समत्सु संग्रामेषु अश्वान् चोदय प्रेरय । तथाच यास्कः-आघ्नंति सानून्येषां सरणानि सक्थीनि सक्थिसचतेरासक्तोस्मिन् कायोजघनानि चोपघ्नंति जघनंजघन्यतेरश्वाजनिप्रचेतसः प्रवृद्धचेतसोश्वान् समत्सु समरणेषु संग्रामेषु चोदयेति ॥ १३ ॥