मर्मा᳚णि ते॒ वर्म᳚णा छादयामि॒ सोम᳚स्त्वा॒ राजा॒मृते॒नानु᳚ वस्ताम् ।
उ॒रोर्वरी᳚यो॒ वरु᳚णस्ते कृणोतु॒ जय᳚न्तं॒ त्वानु᳚ दे॒वा म᳚दन्तु ॥
उ॒रोर्वरी᳚यो॒ वरु᳚णस्ते कृणोतु॒ जय᳚न्तं॒ त्वानु᳚ दे॒वा म᳚दन्तु ॥
पदपाठः (Word-by-word)
मर्मा᳚णि । ते॒ । वर्म᳚णा । छा॒द॒या॒मि॒ । सोमः᳚ । त्वा॒ । राजा᳚ । अ॒मृते᳚न । अनु᳚ । व॒स्ता॒म् ।
उ॒रोः । वरी᳚यः । वरु᳚णः । ते॒ । कृ॒णो॒तु॒ । जय᳚न्तम् । त्वा॒ । अनु᳚ । दे॒वाः । म॒द॒न्तु॒ ॥
उ॒रोः । वरी᳚यः । वरु᳚णः । ते॒ । कृ॒णो॒तु॒ । जय᳚न्तम् । त्वा॒ । अनु᳚ । दे॒वाः । म॒द॒न्तु॒ ॥
सायणभाष्यम् (Sayana Commentary)
हे राजन् ते त्वदीयानिमर्माणि येषु स्थानेषु विद्धः सद्योम्रियते तानि मर्माणि वर्मणा कवचेन छादयामि सोमोराजा त्वा त्वां अनु मर्म- च्छादनानंतरममृतेन वस्तां आच्छादयतु । किंच वरुणोपि ते तुभ्यं उरोर्वरीयः उरुतरं सुखं कृणोतु करोतु । जयंतं त्वा त्वां देवाः सर्वेपि अनुमदन्तु अनुहृष्यन्तु ॥ १८ ॥