अन᳚स्वन्ता॒ सत्प᳚तिर्मामहे मे॒ गावा॒ चेति᳚ष्ठो॒ असु᳚रो म॒घोनः᳚ ।
त्रै॒वृ॒ष्णो अ᳚ग्ने द॒शभि᳚ः स॒हस्रै॒र्वैश्वा᳚नर॒ त्र्य᳚रुणश्चिकेत ॥
त्रै॒वृ॒ष्णो अ᳚ग्ने द॒शभि᳚ः स॒हस्रै॒र्वैश्वा᳚नर॒ त्र्य᳚रुणश्चिकेत ॥
पदपाठः (Word-by-word)
अन᳚स्वन्ता । सत्॑प᳚तिः । म॒म॒हे॒ । मे॒ । गावा᳚ । चेति᳚ष्ठः । असु᳚रः । म॒घोनः᳚ ।
त्रै॒वृ॒ष्णः । अ॒ग्ने॒ । द॒श॑भिः᳚ । स॒हस्रैः᳚ । वैश्वा᳚नर । त्रि॑अ᳚रुणः । चि॒के॒त॒ ॥
त्रै॒वृ॒ष्णः । अ॒ग्ने॒ । द॒श॑भिः᳚ । स॒हस्रैः᳚ । वैश्वा᳚नर । त्रि॑अ᳚रुणः । चि॒के॒त॒ ॥
सायणभाष्यम् (Sayana Commentary)
अत्रीराजर्षीणांदानमग्नेःपुरतोनेनसूक्तेनावर्णयत् हेवैश्वानर विश्वेषांनराणांनेतः अग्ने सत्पतिः सतांपालयिताचेतिष्ठोज्ञातृतमः असुरोबलवान् मघोनः मघवाधनवान् प्रथमार्थेङसि त्रैवृष्णः त्रिवृष्णपुत्रः त्र्यरुणः त्र्यरुणइतिनामाराजर्षिः अनस्वन्ता अनस्वन्तौ अनसाशकटेनसंपृक्तौ गावा गावौ अनड्वाहौ गवांहिरण्यानांवादशभीः सहस्रैः सहमेमह्यंममहे ददौ महिदानेसराजर्षिः चिकेत सर्वैर्जनैरनेनदानेनज्ञायते ॥ १ ॥