स्व᳚र्भानो॒रध॒ यदि᳚न्द्र मा॒या अ॒वो दि॒वो वर्त᳚माना अ॒वाह᳚न् ।
गू॒ळ्हं सूर्यं॒ तम॒साप᳚व्रतेन तु॒रीये᳚ण॒ ब्रह्म᳚णाविन्द॒दत्रि᳚ः ॥
गू॒ळ्हं सूर्यं॒ तम॒साप᳚व्रतेन तु॒रीये᳚ण॒ ब्रह्म᳚णाविन्द॒दत्रि᳚ः ॥
पदपाठः (Word-by-word)
स्वः᳚॑भानोः । अध᳚ । यत् । इ॒न्द्र॒ । मा॒या । अ॒वः । दि॒वः । वर्त᳚मानाः । अ॒व॒॑अह᳚न् ।
गू॒ळ्हम् । सूर्य᳚म् । तम᳚सा । अप᳚॑व्रतेन । तु॒रीये᳚ण । ब्रह्म᳚णा । अ॒वि॒न्द॒त् । अत्रिः᳚ ॥
गू॒ळ्हम् । सूर्य᳚म् । तम᳚सा । अप᳚॑व्रतेन । तु॒रीये᳚ण । ब्रह्म᳚णा । अ॒वि॒न्द॒त् । अत्रिः᳚ ॥
सायणभाष्यम् (Sayana Commentary)
अध अथ जगन्मौढ्यानन्तरं स्वर्भानोरसुरस्य यत् यामायाःसन्ति कीदृश्यस्ताः दिवोद्योतमानादादित्यात् अवः अवस्तात् वर्तमानाः तदुपरितिरोधानासामर्थ्यादितिभावः हेइन्द्र ताः सर्वाः अवाहन् अवहंसि अथात्रेरेवपरोक्षवादः तमसान्धकारेण अपव्रतेन अपगतकर्मणा गूह्ळं सूर्यं अन्धकारस्यावरणरूपत्वादपव्रतत्वं तथाविधं तुरीयेणब्रह्मणामंत्रेण ग्राव्णोब्रह्मेत्यनेनात्रिरविन्दत् लब्धवान् आवरणापगमोपायंनिवारणंशुद्धंवासूर्यमितिपूर्वमन्त्रापेक्षयास्यतुरीयत्वं एकैकंमायांशमेकैकेनमंत्रेणापनोद्य चतुर्थेनमंत्रेण निलीनंत- मप्यनुददित्यर्थः ॥ ६ ॥