इति᳚ चिन्म॒न्युम॒ध्रिज॒स्त्वादा᳚त॒मा प॒शुं द᳚दे ।
आद᳚ग्ने॒ अपृ᳚ण॒तो॑त्रि᳚ः सासह्या॒द्दस्यू᳚नि॒षः सा᳚सह्या॒न्नॄन् ॥
आद᳚ग्ने॒ अपृ᳚ण॒तो॑त्रि᳚ः सासह्या॒द्दस्यू᳚नि॒षः सा᳚सह्या॒न्नॄन् ॥
पदपाठः (Word-by-word)
इति᳚ । चि॒त् । म॒न्युम् । अ॒ध्रिजः᳚ । त्वा॑दा᳚तम् । आ । प॒शुम् । द॒दे॒ ।
आत् । अ॒ग्ने॒ । अपृ᳚णतः । अत्रिः᳚ । स॒स॒ह्या॒त् । दस्यू᳚न् । इ॒षः । स॒स॒ह्या॒त् । नॄन् ॥
आत् । अ॒ग्ने॒ । अपृ᳚णतः । अत्रिः᳚ । स॒स॒ह्या॒त् । दस्यू᳚न् । इ॒षः । स॒स॒ह्या॒त् । नॄन् ॥
सायणभाष्यम् (Sayana Commentary)
इति चित् इत्थं कृतप्रकारेण मन्युं मननसाधनं स्तोत्रमद्रिजः । अधृतमन्यैरग्निव्यतिरिक्तैरधृष्यं वा जनयिता ऋषिस्त्वादातं त्वया दातव्यं पशुमा ददे । आदत्ते । आददीत वा । आदनन्तरमेवाग्नेरपृणतोऽददतो दस्यूनत्रिस्तद्गोत्र इषः सासह्यात् । भृशमभिभवेत् । इष एष्टॄन्नॄन् विरोधिनः सासह्यात् । पुनरुक्तिरादरार्था ॥ १० ॥