वने᳚षु॒ व्य१॒᳚न्तरि᳚क्षं ततान॒ वाज॒मर्व᳚त्सु॒ पय᳚ उ॒स्रिया᳚सु ।
हृ॒त्सु क्रतुं॒ वरु᳚णो अ॒प्स्व१॒᳚ग्निं दि॒वि सूर्य᳚मदधा॒त्सोम॒मद्रौ᳚ ॥
हृ॒त्सु क्रतुं॒ वरु᳚णो अ॒प्स्व१॒᳚ग्निं दि॒वि सूर्य᳚मदधा॒त्सोम॒मद्रौ᳚ ॥
पदपाठः (Word-by-word)
वने᳚षु । वि । अ॒न्तरि᳚क्षम् । त॒ता॒न॒ । वाज᳚म् । अर्व᳚त्॑सु । पयः᳚ । उ॒स्रिया᳚सु ।
हृ॒त्॑सु । क्रतु᳚म् । वरु᳚णः । अ॒प्॑सु । अ॒ग्निम् । दि॒वि । सूर्य᳚म् । अ॒द॒धा॒त् । सोम᳚म् । अद्रौ᳚ ॥
हृ॒त्॑सु । क्रतु᳚म् । वरु᳚णः । अ॒प्॑सु । अ॒ग्निम् । दि॒वि । सूर्य᳚म् । अ॒द॒धा॒त् । सोम᳚म् । अद्रौ᳚ ॥
सायणभाष्यम् (Sayana Commentary)
अयंवरुणोवनेषुवृक्षाग्रेषु अन्तरिक्षंविततान विस्तारितवान् तथावाजसनेयकं वनेषुहीदंएषु वृक्षाग्रेष्वन्तरिक्षंविततं तस्मादाहवनेषु व्यन्तरिक्षंततानेति वाजं बलमर्वत्सु अश्वेषु ततान पयःक्षीरमुस्रियासु गोषु उस्रियेति गोनाम उस्राविणोस्यांभोगाइतितद्भ्युत्पत्तिः हृत्सु हृदयेषु क्रतुं कर्मसंकल्पं यद्धि मनसाध्यायति तत्कर्मणाकरोति अप्सूदकेषुअग्निं नैद्युतं और्वंवा सर्वत्र विततानेतिसंबन्धःकिंच दिवि द्युलो- के सूर्यमदधात् स्थापितवान्त्सोमंचाद्रौपर्वते अदधात् ॥ २ ॥