वि॒शां क॒विं वि॒श्पतिं॒ मानु᳚षीणां॒ शुचिं᳚ पाव॒कं घृ॒तपृ᳚ष्ठम॒ग्निम् ।
नि होता᳚रं विश्व॒विदं᳚ दधिध्वे॒ स दे॒वेषु᳚ वनते॒ वार्या᳚णि ॥
नि होता᳚रं विश्व॒विदं᳚ दधिध्वे॒ स दे॒वेषु᳚ वनते॒ वार्या᳚णि ॥
पदपाठः (Word-by-word)
वि॒शाम् । क॒विम् । वि॒श्पति᳚म् । मानु᳚षीणाम् । शुचि᳚म् । पा॒व॒कम् । घृ॒त॑पृ᳚ष्ठम् । अ॒ग्निम् ।
नि । होता᳚रम् । वि॒श्व॒॑विद᳚म् । द॒धि॒ध्वे॒ । सः । दे॒वेषु᳚ । व॒न॒ते॒ । वार्या᳚णि ॥
नि । होता᳚रम् । वि॒श्व॒॑विद᳚म् । द॒धि॒ध्वे॒ । सः । दे॒वेषु᳚ । व॒न॒ते॒ । वार्या᳚णि ॥
सायणभाष्यम् (Sayana Commentary)
मानुषीणां विशां विश्पतिं सर्वासां मनुष्यरूपाणां प्रजानां पालकं स्वामिनं वा कविं मेधाविनं शुचिं शुद्धं दीप्तं वा पावकमन्येषां शोधकं घृतपृष्ठं प्रदीप्तपृष्ठोपलक्षितशरीरम् । अथवा उपरितनभागोज्योपेतं होतारं होमनिष्पादकं विश्वविदं विश्वस्य वेत्तारमग्निं नि दधिध्वे । धारयथ । हे रुत्विजः । स देवो देवेषु मध्ये वार्याणि वरणीयानि धनानि वनते । सम्भजतेऽस्मदर्थः । स्वयं वा वार्याणि हवींषि वनते ॥ ३ ॥