ह॒ये नरो॒ मरु᳚तो मृ॒ळता᳚ न॒स्तुवी᳚मघासो॒ अमृ᳚ता॒ ऋत᳚ज्ञाः ।
सत्य᳚श्रुत॒ः कव᳚यो॒ युवा᳚नो॒ बृह᳚द्गिरयो बृ॒हदु॒क्षमा᳚णाः ॥
सत्य᳚श्रुत॒ः कव᳚यो॒ युवा᳚नो॒ बृह᳚द्गिरयो बृ॒हदु॒क्षमा᳚णाः ॥
पदपाठः (Word-by-word)
ह॒ये । नरः᳚ । मरु᳚तः । मृ॒ळत᳚ । नः॒ । तुवि᳚॑मघासः । अमृ᳚ताः । ऋत᳚॑ज्ञाः ।
सत्य᳚॑श्रुतः । कव᳚यः । युवा᳚नः । बृह᳚त्॑गिरयः । बृ॒हत् । उ॒क्षमा᳚णाः ॥
सत्य᳚॑श्रुतः । कव᳚यः । युवा᳚नः । बृह᳚त्॑गिरयः । बृ॒हत् । उ॒क्षमा᳚णाः ॥
सायणभाष्यम् (Sayana Commentary)
हये हेनरोनेतारः नःमरुतोस्मान् मृळत सुखयत अस्मभ्यंहितायवा सुखिनोभवत हेतुवीमघासः प्रभूतधनाः अमृताः अमरणस्वभावाः ऋतज्ञाः उदकस्ययज्ञस्यवा ज्ञातारः कर्तारइत्यर्थः सत्यश्रुतः सत्येनसत्यफलत्वेनप्रसिद्धाः कवयोमेधाविनः युवानोनित्यतरुणाः बृहद्गिर- यः प्रभूतस्तुतयः बृहदत्यधिकं उक्षमाणाः हविर्भिःसेविताः उदकं वासिंचन्तोयूयंमृळत ॥ ७ ॥
तमुनूनमित्यष्टर्चंद्वितीयंसूक्तं श्यावाश्वस्यार्षंत्रैष्टुभंमारुतं तम्वित्यनुक्रमणिका विनियोगोलैंगिकः ।